காரணம் ஆயிரம்

எண்ணச்சிதறல்கள் ( 06-01-2012 வெள்ளி)

2011-12-17T13:05:00.000-08:00

போனவாரம் எம்.ஐ4 படம் பார்த்துவிட்டு, அதைப்பற்றி பதிவெழுதி பாக்கெட்டில்(draft) வைத்திருந்தேன். அடுத்து - ராஜப்பாட்டை படம்! டான்2 பார்க்கலாம் என்று யோசனை இருந்தது. பிறகு, விமர்சனங்கள் அந்த அளவுக்கு இல்லை என்றவுடன் பின்வாங்கினேன்.

நான் விமர்சனம் எழுதவில்லை என்று யாரும் அழவில்லை என்றாலும், எதாவது எழுதி ’இலக்கிய சிகாமணி’ ஆகியேவிடுவது என்ற குறிக்கோளுடன்.. (உங்கள் கண்களில் தெரிவது - கொலவெறியா? பயமா?)

* எம்.ஐ4 - ஜேம்ஸ்பாண்ட் மாதிரி ஒரு படம்! ட்ரிபிள் எக்ஸ் என்றொரு உளவாளிப்பட வரிசைகளையும் இவர்கள் ஜேம்ஸ்பாண்ட்-ற்கு போட்டியாக அறிமுகப்படுத்தியாக ஞாபகம்! எதுவும் எடுபடவில்லை! ஜேம்ஸ் ராக்ஸ்!
இந்தப்படத்தின் விசேஷமாக சொல்லவேண்டுமென்றால், பர்ஜ் காலிஃபா மீது நடப்பது, இந்திய அட்ராக்‌ஷனுக்காக அனில் கபூர் மற்றும் சன் நெட்வொர்க்.. அந்த டிவிகளில் கொஞ்சமே கொஞ்சம் தெரியும் நம்ம வடிவேலுவும், மனோபாலாவும்! (வடிவேலு-’நாமளும் ஒரு உலகப்படத்துல நடிச்சிட்டோம்!!!’) துபாய் மற்றும் இந்திய நாடுகளின் அறிமுகக்காட்சிகள் - பிரமாதம்! சும்மா சொல்லக்கூடாது... ஹெலிகாப்டர் ஷாட்டில் பாலைவனம் அவ்வளவு அழகு! இந்தியாவிற்கு படப்பிடிப்பிற்கு நிஜமாக வந்தார்களா என்பது சந்தேகம் !!! செட் எல்லாம் தத்ரூபம்! நல்லவேளை இந்தத்தடவை இந்தியா ஏழைநாடு இல்லை! அந்த ஹோலோகிராம் சீனும் பிடித்தது..

* ராஜப்பாட்டை - ஒருவிக்ரம், ஒரு சுசீந்திரன், இருவரும் சேர்ந்தால் எப்படி படம் தரலாம்??!!! அந்த எதிர்ப்பார்ப்போடு போனால்?!! சேது, காசி, தெய்வதிருமகள் வரிசையிலுமில்லாமல், தில், தூள் வரிசையிலுமில்லாமல், இந்தப்பாட்டை தனி வழியாக இருக்கிறது ..

‘என்னுடைய படங்களிலேயே பெரிய பட்ஜெட் படம் இது.. கே.விஸ்வநாத் முக்கிய பாத்திரத்தில் நடிப்பது எங்களுக்கு பெருமை!’ என்று இயக்குனர் சுசீந்திரன் பெருமைப்பட்டிருந்தார். கே.விஸ்வநாத் அவர்களுக்கு ஏன் இப்படியொரு பாத்திரம் என்பது தெரியவில்லை. ’இந்தப்படம் எனக்கும் தீனியில்லை, விக்ரமிற்கும் தீனியில்லை’ என்பதெல்லாம் சரி; பார்க்கிறவர்களுக்காவது ’தீவணம்’ போட்டிருக்கலாமில்லையா..!!!

”படத்தில் சிறந்த - “ என்று ஒன்று ஏதாவது இருக்கணுமில்லையா, அது சிறப்பான பைட் காட்சிகள் மற்றும் ஒளிப்பதிவு! கொஞ்சம் கொஞ்சம் காமெடிக்காட்சிகள்! ஹீரோவின் காதலியிடம் செல்போன் இருப்பது தெரியாமல் கடத்துவது லாஜிக் மிஸ்ஸிங்கா, இல்லை காமெடியா? என்று ஆராய்ந்து கொண்டிருக்கின்றேன்!

அண்மைக்கால அப்டேட் : ராஜப்பாட்டை இன்னும் ஓடிக்கொண்டிருக்கிறது இங்கே!

* * * * * * * * * * * * * *
வைரல் வீடியோஸ்

* தனுஷ் பற்றிய அடுத்த செய்தி வந்துவிட்ட நிலையில், கொலவெறி பழைய செய்தி! யூட்யூப்.காம் தனுஷ்-க்கு தங்க விருதையும்(இதுவும் பழைய செய்தி!), சிம்பு-க்கு வெண்கல விருதையும் தந்திருக்கிறார்கள். என்னது ஏனா? அவ்வளவு பேரு வேலவெட்டியில்லாம வீடியோ பார்த்திருக்கோம்!!! கோடி ஹிட்ஸ்கள் கொடுக்கிறோம், நமக்கொரு வெஞ்சனக்கிண்ணம் கூட கிடையாது !!! ம்ஹூம்!!!

* உள்ளூரில் தான் வைரல் வீடியோ புதுசு! இணையத்தில், யூட்யூபில், தினம்தினம் யாராவது எதாவதொரு வீடியோ பதிவேற்றிக்கொண்டுதான் இருக்கிறார்கள். இதோ இந்த வீடியோவில் உள்ள பெண்ணுக்கு வயது - 14! ஊர் : சிட்னி -ஆஸ். நம்மூரில் பாட்டுக்கு ’வாயசை’ப்பார்கள். இவர் புருவம் அசைக்கிறார். ஒரு இரண்டு மூன்று தரம் திரும்பத்திரும்ப பார்த்தால், ஒரு அமானுஷ்ய கேள்வி மனதுக்குள் தோன்றிமறைகிறது ஏனோ ??

* அடிப்படையில், எல்லா வகையான ஓவியங்களிலும் நுணுக்கங்களை கற்றுக்கொள்ள ஆசை. அழகான தஞ்சாவூர் ஓவியம் உட்பட! இது ஒரு விளம்பரப்படம் - ரொம்ப கிரியேட்டிவ் ஆக இருக்கிறது! எவ்வளவு நாளில் எடுத்திருப்பார்கள்??

* * * * * * * * * * * * * *
தென்றல் - தொலைக்காட்சித்தொடர்

எப்படியெப்படியோ போய்க்கொண்டிருக்கிறது கதை... வழக்கம்போல வசனங்கள் பக்கா! பின்னணியிசையும் பாராட்டத்தக்கது.. தகுந்த நேரத்தில் தகுந்த இசை அல்லது ஹம்மிங்! யார்னே தெரியல! புவி அண்ணன், ரித்தீஷ் அப்பா,துளசி அப்பா,எஸ்.என்.லட்சுமி பாட்டி - தவிர மற்றவர்கள் எல்லோரும் வில்லன்கள் - ஹீரோ உட்பட(???!!!). ’எனக்கும் சீரியலில் சான்ஸ் தாருங்கள்’ என்று கேட்கிறவர்களுக்கெல்லாம் டைரக்டர் வில்லன் ரோல் கொடுத்துவிடுவார் என்று நினைக்கிறேன் !

* * * * * * * * * * * * * *

யார் ஒரிஜினல்??
ஸ்வாகத்-தில் சாப்பிடும்போதெல்லாம் “நீலே நீலே அம்பர்” என்கிற இந்திப்பாடல் ஒலித்துக்கொண்டிருக்கும். கேட்பதற்கு அப்படியே - இளையராஜா-SPB யின் “இளைய நிலா.. பொழிகிறது”.

எது ஒரிஜினல்? எது காப்பி? தமிழ்தான் ஒரிஜினல்(1982), இந்திப்பாடல் 1983ல் உருவானது என்று ஒருத்தர் ஆராய்ச்சி பண்ணியிருக்கிறார். நகல்தான் என்றாலும் சும்மா இல்லை. பிரபல கிஷோர்குமார் பாடிய அதில் வயலின் பிட் ஒன்று வரும் பாருங்கள். படக்காட்சிகளும் கிட்டத்தட்ட ஒரே மாதிரி இருப்பது தற்செயல்போல இல்லை!!!

* * * * * * * * * * * * * *
வீடியோ சர்ஃபிங் (V-Surfing)

ஒரு அமைதியான மாலைநேரத்தில், எல்லா பாடல்களின் விடியோக்களை இரண்டு இரண்டு வரிகள் ஓடவிட்டு கேட்டபிறகு கடைசியில் மிகவும் பிடித்த ஒருமுழுபாடலில் முடிப்பது - இதுதான் என்னுடைய தற்போதைய பொழுதுபோக்கு!

இந்தவார வீ.சர்ஃபிங் பாடல்கள் - அதே வரிசையில்!

முதலில், ”தென்றல் காற்றே தென்றல் காற்றே சேதி ஒண்ணு..”, அடுத்தடுத்து - “என்னைத்தொட்டு அள்ளிக்கொண்ட மன்னன்”, ”அடிப்பூங்குயிலே”, “ராசாவே ஒண்ண விடமாட்டேன்”, கடைசியில் முழுப்பாடல் - “சந்தைக்கு வந்த கிளி ஜாடை சொல்லி..”

[ தென்றல் காற்றே..] - [ என்னைத்தொட்டு..] - [அடிப்பூங்குயிலே] - [ராசாவே] - [சந்தைக்கு]

* * * * * * * * * * * * * *

மீண்டும் பார்க்கலாம் !!!

எண்ணச்சிதறல்கள் ( 01-12-2011 வெள்ளி)

2011-11-18T11:46:00.001-08:00

இதயம் பேத்துகிறது!

ஜவஹர் சார் தலைப்பு இங்கு ஏன்? ப்ளாக்கர் செட்டிங்கில் புதுமையாக புகுத்துகிறேன் பேர்வழி என்று எதோ செய்யப்போய், தளத்தையே ஒரு வாரமாகக்காணோம்! தளத்தை மீட்டெடுத்தது வரை ஒரே தவிப்பு - அதான் இந்த தலைப்பு!

* * * * * * * * * * * * * * * * * * * * * * * * * * * * * *

மீடியாக்கள்!

கடந்த ஒரு வருடமாக முதல்பக்கங்களில் வைத்து போற்றப்பட்ட செய்தி! அபி-ஐஸ்க்கு குழந்தை பிறக்கப்போவது. அதைக்கூட விட்டுவிட்டார்கள். பிறகு, பிக் பாஸில் ஒரு வெளிநாட்டு கவர்ச்சி மங்கை இணைந்ததை பெரிய செய்தியாக சொல்லிக்கொண்டிருந்தார்கள். அதுபோய், பால்,பெட்ரோல் விலையேற்றம், பேஸ்புக்கில் ’கொலைவெறி’யோடு ’கொலவெறி’,பவார்-அறை, திகார்-சிறை, மழை, நிவாரண உதவி அப்புறம் இடையிடையே மானே தேனே பொன்மானே... - ’செய்தியோடை’ என்பது சரியாகத்தான் இருக்கிறது. ஓடியேபோய்விடுகின்றது...

* * * * * * * * * * * * * * * * * * * * * * * * * * * * * *

Why this Kolaveri Kolaveri Di?

வீக்கிப்பீடியாவில் தனிப்பக்கமே உருவாக்கிவிட்டார்கள். யூட்யூபில், இதுவரை 1 கோடியே 30 லட்சம் ஹிட்ஸ்கள்! தனுஷ்க்கு ’போதையில்’ இருப்பதுபோல பாடுவது தண்ணீர் ப(போ)ட்ட பாடு! அவரின் முதல் பாடல் ”நாட்டுச்சரக்கு நச்சுனுதான் இருக்கு”, பிறகு “ஒம்மேல ஆசதான்”, ”கொலவெறி” எல்லாமே போதைப்பாடல்கள்தான்..

* * * * * * * * * * * * * * * * * * * * * * * * * * * * *

கத்தார் - சில துளிகள்

* கத்தார் நாட்டில், பதினைந்து, இருபது வருடங்களாக குடும்பத்துடன் செட்டிலான தென்னிந்தியர்கள் இருக்கிறார்கள். அவர்கள் பெரும்பாலும் மலையாளிகள். ஆர்ம்ஸ்ட்ராங் முதன்முதலில் நிலாவுக்கு போகும்போது, அங்கே ஒரு நாயர் - ஏற்கனவே - டீக்கடை போட்டிருந்தாராம்! சும்மாவா இந்த ஜோக்கை சொல்லியிருப்பானுங்க!! வாடகைவீடு தேடிக்கொண்டிருக்கிறோம். கேரள ஏஜெண்ட்கள் பேசும் தமிழ் மிகச்சிரிப்பாக இருக்கும்(ஸ்பெல்லிங் மிஸ்டேக் இல்லை!) - “அல் துமாம்மாவில் ஒரி டபுள் பெட்ரூம் இரிகி. நஜ்மாவிலே சிங்கில் இரிகி...” இந்த ரேஞ்சுக்கு தமிழ் பேசுகிறார்கள்! நான் நினைத்துக்கொண்டேன் - “அகில உலகத்திலும் தமிழ் வாழ்ந்துகொண்டு இரிகி!” (கத்தார் நண்பர்கள் யாராவது டோஹாவில் வீடு வாடகைக்கு இருந்தா சொல்லுங்களேன்..! வீடு கிடைப்பது ரொம்ப சிரமமாக இருக்கிறது..:( )

* KUBOOS : தென்னிந்திய உணவகங்களும் இருக்கின்றன. நாங்கள் அடிக்கடி சாப்பிடுவது - பாரத் (எ) வசந்த பவன். கேரள ரெஸ்டாரண்ட்களில், மோட்டா, பாரிக், பாஸ்மதி மூன்றும் உண்டு. அரபிக் க்யுசின்களில், குபூஸ் என்ற ஐட்டத்தை இலவசமாக தருகிறார்கள். அவசியம் சேர்த்து வாங்கவேண்டிய தந்தூரி ஐட்டங்கள் மட்டும் காசுக்கு! இந்த குபூஸ் (குஷ்பூ, குஷ்பூனு படிச்சீங்கன்னா என் தப்பு இல்லீங்க), மைதா + கொஞ்சம் கோதுமையில் செய்யப்படுகிறதாம். தினம் தினம் சாப்பிட்டால், பெரிய ஆளாக - சைசில் - வருவீர்கள் !! அவ்வளவு கலோரிஸ்! சரியான டயட்-டை பின்பற்ற விரும்புபவர்களுக்கு ஏற்ற உணவு அல்ல குபூஸ்! அடிக்கடி வளைகுடாக்களுக்கு விசிட் அடிக்கும் நண்பர்களுக்கு இது தெரிந்து இருக்கும். சொந்த ஊர் வரும்போது, ’வேறு ஆள்’ போன்று தோற்றமளிக்க சரக்கு மட்டுமில்லை.. இந்த குபூஸூம் ஒரு காரணம்!

* துபாய், குவைத், கத்தார், பஹ்ரைன்,ஓமன் போன்ற வளைகுடா நாடுகளில் பழைய காலங்களில் - 1959 க்கு முன்பு - புழக்கத்தில் இருந்த பணம் - இந்திய ரூபாய்கள்!! பிறகு, கிபி 1966 வாக்கில் இந்தியாவே அவர்களுக்கென்று அறிமுகம் செய்த பணம் - வளைகூடா ரூபாய். அந்த சமயங்களில், ஒரு இங்கிலாந்து பவுண்ட் நாணயத்தின் மதிப்பு, ரூ. 13.50 இந்திய ரூபாயாம் (ம்ஹூம் .. !!!). ரூபாய் மதிப்பு, குறைய குறைய வளைகுடா நாடுகள் ரூபாயை கைவிட்டு, தத்தம் கரன்ஸிகளை உருவாக்கவேண்டியிருந்தது. ஆரம்பத்தில், அந்த நாடுகளின் கரன்ஸிகள், ரூபாய்களுக்கு சமமான மதிப்பைக்கொண்டிருந்தன.

* வளைகுடா நாடுகளிலேயே முதன்முதலாக, கிபி 2022 வில், FIFA உலகக்கோப்பை கால்பந்து போட்டிகள் நடக்கப்போவதால், மொத்த கத்தாரும் புதுக்கோலம் போடத்தயாராக இருக்கிறது. துபாய் அளவுக்கு கட்டுமானத்துறையில் புகழ்பெறுவதற்காக பழைய கட்டிடங்களெல்லாம் இடிபடுகின்றது. சிங்கார டோஹா, சிங்கார வாக்ரா(ஹ்) எல்லாம் பார்க்கலாம் - கூடிய விரைவில்!

* ஏதோ சொல்வார்கள் - ‘எள்ளு எண்ணையில வேகுது, ’......................’, எதுக்கு வேகுது??’. சென்னையில கடும்மழை, சாலைகளில் தண்ணீர் சரி.. ~~எழில்~~ வெயில் கொஞ்சும் பாலைவன கத்தாரில், அடைமழையும் சாலை தண்ணீர்த்தேங்கலும் இருந்தால் என்னவென்று சொல்வது?

* * * * * * * * * * * * * * * * * * * * * * * * * * * * * *

”நண்பன்”

வைரஸாக சத்யராஜ், சரியான தேர்வு. சரி, சைலன்ஸர் யார்? என்று ஆவலாக இருந்தது.. அதற்கு, சத்யன்! கொஞ்சம் சவாலான பாத்திரமாக இருக்கும் அவருக்கு(சாம்பிள் கீழே!). நிஜ ‘சைலன்ஸருக்கு’ ஹிந்தி தெரியாதாம். அந்த அப்பாவித்தனம் கூட அந்த காரெக்டருக்கு வெற்றியைத்தந்தது!

எனக்கொரு கேள்வி.., எல்லோரும் பார்த்துவிட்ட படத்தை ரீமேக்கி என்ன செய்யப்போகிறார்கள்??!!

* * * * * * * * * * * * * * * * * * * * * * * * * * * * * *

”தில்லானா மோகனாம்பாள்” - கிடைக்கறியா ஒரு ஆவணப்படம்

திருமணத்திற்குப்பிறகு திருமதி.பத்மினி அவர்கள் நடித்த முதல்படம் என்று சொல்லப்பட்டது. இந்தக்காலத்து, சைஸ் ஜீரோ, சிக்ஸ் பேக்ஸ்-ஸோடு ஒப்பிட்டப்பார்க்கமுடியாது என்றாலும், இந்தப்படத்தில் நடித்த ஒவ்வொருவரின் நடிப்பும் க்ளாஸ், இல்லையா!

* * * * * * * * * * * * * * * * * * * * * * * * * * * * * *

சலங்கையிட்டால் ஒரு மாது...!

விஜய டி. ராஜேந்தர் இயக்கி நடித்த இந்தப்படத்தில் தான் முதன்முதலாக அமலா அறிமுகமானார். டி.ஆர். தான் இசையமைப்பாளரும் பாடலாசிரியரும் கூட! ஏனோ தானோ என்றெல்லாம் இல்லை! ஆகா ஓகோ!! உதாரணத்திற்கு, இந்தப்பாடல் இசைஞானியையே திரும்பிப்பார்க்கவைத்திருக்கும் என்று நினைக்கத்தோன்றுகிறது. பாடல் வரிகள் மட்டும் எப்படியாம் - ???

"தடாகத்தில் மீன் ரெண்டு, காமத்தில் தடுமாறி தாமரை பூமீது விழுந்தனவோ, இதைக்கண்ட வேகத்தில், பிரம்மனும் மோகத்தில் படைத்திட்ட பாகம்தான் உன் கண்களோ???!!”

Hats Off to you TR Sir!!!

* * * * * * * * * * * * * * * * * * * * * * * * * * * * * *

மீண்டும் சந்திப்போம்!!!

எண்ணச்சிதறல்கள் (2011-11-16)

2011-08-09T19:06:00.000-07:00

இந்தப்பதிவு - எனக்கு ’இரண்டு முதல்’கள்

1) கத்தார் - நாட்டிலிருந்து இந்த பதிவு!
2) என் புது லேப்டாப்பில் இருந்தும்!
-o0o- -o0o- -o0o- -o0o- -o0o- -o0o- -o0o- -o0o- -o0o-

DUNE BASHING

ஒரு Sand Dune சிகரத்திலிருந்து தோன்றும் காட்சி. இங்கு தெரியும் நீர் வளாகம் சுமார் 100-150 அடிக்குக்கீழே!(படங்களை பெரிதாக்கக்காண கிளிக்கவும்)
கத்தாரில், பாலைவன சஃபாரி (Desert Safari) என்று ஒரு நாள் போனோம். Sand Dunes-களில் புல்லரிக்கும் Dune Bashing! மணல் சிகரங்களில் பிறழ முயலும் அந்தத் தருணங்களில் சுதாரிப்பாக திருப்பி ஓட்டவேண்டும். தவறினால், உச்சியில் இருந்து குட்டிக்கரணம்தான். திறமையான ஓட்டுனர் - நாங்கள் மண் கவ்விவிடாமல் ஓட்டினார். தனியாக உருண்டால் அடிபடாது - வண்டியோடு உருண்டால்? நல்லதொரு ட்யூன் பேஷிங் வீடியோ இங்கே!

என் போன் காமராவிலிருந்து காரின் காலடி!(படங்களை பெரிதாக்கக்காண கிளிக்கவும்)

-o0o- -o0o- -o0o- -o0o- -o0o- -o0o- -o0o- -o0o- -o0o-

டேப்ளட் கணினி புரட்சி (Aakash Tab - Rs.2999/-)

போட்டி போட்டுக்கொண்டு நான் நீ என்று ஆம்லேட் மாதிரி டேப்ளட் வெளியிடுகிறார்கள். ஆண்ட்ராய்டு, ஐபோன் ஆகியவற்றின் ஆதிக்கத்தால், ஜாம்பவான் நோக்கியாவும் தங்கள் பதிப்பு டேப்பை அறிவிக்க வேண்டியிருக்கிறது. குறைந்த விலை ‘ஆகாஷ்’, ஒரு பெரிய புரட்சி என்று சொல்லப்படுகிறது. காசுக்கேற்ற தோசை என்றும் சொல்கிறார்கள். ஆகாஷ் டேப்பை முன் பதிவு செய்யலாம் இங்கே :

http://www.aakashdatawind.com/

-o0o- -o0o- -o0o- -o0o- -o0o- -o0o- -o0o- -o0o- -o0o-

ப(பி)டித்த புத்தகம்

நானோடெக்னாலஜி - சுஜாதா!

’நானோவை முழுவதும் புரிந்துகொள்ள முயல்வது, கடவுளின் அருகே நம்மை இட்டுச்செல்லும்’ போன்ற சுஜாதா அவர்களின் எழுத்துப்பிரயோகம் பிரமிக்க வைக்கிறது.

40 பக்கமுள்ள இந்த சிறியப்புத்தகத்தில், மாலிக்யூல் கம்ப்யூட்டிங் போன்ற தொழில்நுட்ப அறிமுகங்களும் கிடைக்கின்றது. மனிதன் தானே வளர்வதுபோல், தன்னைத்தானே உருவாக்கிக்கொள்ளும் எதிர்கால கம்ப்யூட்டர்கள் - எப்படி கேட்கவே சிலிர்ப்பாக இல்லை?

சுஜாதா-வின் புத்தகத்திற்கு விளம்பரம் தேவையில்லை! உயிர்மை பதிப்பகத்தில் தேடினால் இந்தப்புத்தகம் கிடைக்கிறது!

-o0o- -o0o- -o0o- -o0o- -o0o- -o0o- -o0o- -o0o- -o0o-

இனி சமீபத்தில் நான் வரைந்த கார்ட்டூன்களின் அணிவகுப்பு.

சிக்வே பற்றி ஏற்கனவே எழுதியிருந்தேன். ஒரு ஐடி நிறுவனத்தில், Cost-cutting-கிற்கு முன்னேயும் பின்னேயும்!

-o0o- -o0o- -o0o- -o0o- -o0o- -o0o- -o0o- -o0o- -o0o-

இதற்கு விளக்கம் தேவைப்படாது என நினைக்கிறேன் !!!

-o0o- -o0o- -o0o- -o0o- -o0o- -o0o- -o0o- -o0o- -o0o-

ஆ.. இந்த விளம்பரங்கள்..

திரைப்படம் என்றில்லாமல் சில நொடிகள் தோன்றும் விளம்பரங்களும் நல்ல களமாகி வருகின்றன புது இயக்குனர்களுக்கு!

* TOI-சென்னைப்பதிப்பு விளம்பரத்தில் தூங்கிக்கொண்டே இருக்கிறார் ஒருத்தர். போரடிக்கும் நாளிதழிலிருந்து, சுவாரஸ்யமான நாளிதழுக்கு மாறுங்கள் என்பதை சொல்வதாக இருக்கிறது. ’ஏற்கனவே உள்ள நாளிதழ்கள் ஒவ்வொருத்தரையும் சம்பவங்களின் இடத்திற்கே கொண்டு செல்கின்றன, ஆனால் நாம்தான் தூங்கிக்கொண்டிருக்கிறோம்’ என்றும் புரிந்துகொள்ளலாமா? இது அந்த விளம்பரத்திற்கு வெற்றியா?

* எதிர்மறையான பயத்தை ஏற்படுத்தி காப்பீட்டு விளம்பரங்கள் செய்யக்கூடாது என்று விதியே இருக்கிறது. ஆனாலும், சாலை விபத்து பயம் ஏற்படுத்துகிறது ஒரு விளம்பரம்!

* Facebook-ல் கிடைத்த விளம்பரத்தில். குழந்தைகளின் கலாச்சாரமும் போச்சா? என்று கேள்வி கேட்க முடியாது!

-o0o- -o0o- -o0o- -o0o- -o0o- -o0o- -o0o- -o0o- -o0o-

ரிலாக்ஸ் - புதுப்பாடல்! உருமி!

-o0o- -o0o- -o0o- -o0o- -o0o- -o0o- -o0o- -o0o- -o0o-

மீண்டும் சந்திப்போம்... : )

எண்ணச்சிதறல்கள் - 29/04/2011 (வெள்ளி)

2011-04-28T19:08:00.000-07:00

Yahoo News!

எழுதுவது அவ்வளவு சுலபமானதாகயில்லை! அதனால்தான் படிக்கத்துவங்கிவிட்டேன். தற்போதைக்கெல்லாம் அதிகம் படிப்பது - யாஹூ செய்திகள். வட இந்திய முக்கியஸ்தர்கள், சினிமாக்காரர்களின் வாழ்க்கைமுறைகளை(Lifestyle) பற்றிய செய்தி மட்டும் தந்தவர்கள், உருப்படியாக, கல்வி மற்றும் வேலைவாய்ப்பு தகவல்கள், தங்கம், வெள்ளி மற்றும் ETF போன்ற முதலீட்டு ஆலோசனைகள், உடல்நலம் மற்றும் டயட் முதலான கட்டுரைகள் என சக்கைப்போடு போடுகின்றார்கள்.. அண்மையில், எனக்கு ரொம்பப்பிடித்தது தலைப்பு - இந்தியாவில் பணவீக்கம் எவ்வாறு நிகழ்கிறது? என்று கணித விளக்கங்களோடு வெளியிட்டிருந்தார்கள்!

(Sid, Dippy, Sallu, Kat, Karuna - இவையெல்லாம் என்ன ? - விஐபிகளுக்கு யாஹூ இட்ட செல்லப்பெயர்கள் ! கடைசிப்பெயர் நமக்கு பரிச்சியமானதுதான் - முதல்வர் கருணாநிதி! மற்றவர்கள் - சித்தார்த் மல்லையா, தீபிகா படுகோன், சல்மான்கான்,கேத்ரினா கைப்)

* * * * * * * * * * * * * * * * * * * * * * * * * * * * * *

தென்றல் (சன் டிவி)!

இதுவரை மெகா தொடர் என்று எதையும் பார்த்ததில்லை.. விழுதுகள்(முதல் மெகா) மட்டும் பார்த்திருக்கிறேன் ஒரு சஸ்பென்ஸூக்காக (”யார் பெரியவரின் வாரிசு?”) அதற்கு அடுத்து இப்பொழுது தென்றல்!

வழக்கமான மெகா தொடரின் ஃபார்முலாக்கள் எவற்றுக்கும் குறைவில்லாத தொடர்தான் தென்றலும்! தொடர் முடிந்தபாடில்லை, ஆனால் வில்லிகள் மட்டும் அதிகமாகிக்கொண்டே போகிறார்கள் - தமிழ்-ன் அம்மா, துளசியின் சித்தி, அதற்குப்பின் சாரு, அப்பப்போ தமிழ்-ன் தங்கை, இப்பொழுது சுந்தரி(யுவராணி கேரக்டர்), மற்றும் ஐஸ்வர்யா கேரக்டர். இன்னும் யார்யார் எல்லாம் வில்லியாகப்போகிறார்களோ!

ஐஸ்வர்யா தான் துளசியின் அம்மா என்று எங்கள் வீட்டு உளவாளிகள்(!!!) சொல்ல ஆரம்பித்திருக்கிறார்கள் !

தகவல் பெறும் சட்டத்தில் எதையாவது கேட்டால், அந்த தகவல் எங்களிடம் இல்லை என்கிற காலம் இது! குறைந்த பட்சம் இசை யாரென த.பெ.ச. மூலம் கேட்டுச்சொல்வார்களா? (வசனம் : விகடன் புகழ் எழில்வரதன்)

* * * * * * * * * * * * * * * * * * * * * * * * * * * * * *

நூல் அறிமுகம் : திருவள்ளுவர் திடுக்கிடுவார் (1954)

கையில் சிறு சிறு புத்தகங்களை வைத்திருப்பது எப்பொழுதும் நலம்! பயணங்களிலும் மற்றும் காத்திருத்தலின் போதும் போரடித்தால், படிப்பதற்கு! புத்தகக்காட்சிகளில் எக்கச்சக்கமாக நான் அள்ளுவது, சிறிய நூல்களைத்தான்! செல்போனில் MP3 புத்தகங்களாயிருந்தால் (Audio Books) இன்னும் வசதி! கிழக்கு பதிப்பகம் போன்றோர் இவ்வாறு வெளியிடுகிறார்கள்! சரி இதை இங்கேயே விட்டுவிடுவோம்! (ரொம்ப ’வழவழ’க்கிறேன் இல்ல??!!)

திருவள்ளுவர் திடுக்கிடுவார் (1954) - இது ஒரு பழைய நூலின் மறுபதிப்பு (அலைகள் வெளியீட்டகம்; விலை:40) திருக்குறள் தெளிவுரை நூல்கள் இருக்கிற எல்லா நூலகங்களிலும் கட்டாயம் இருக்கவேண்டிய நூல் இது.

இருப்பதிலேயே சிறந்ததாக கருதப்படும் பரிமேலழகரின் குறள் தெளிவுரையிலும் சில குறள்கள், ஆசிரியரின் தமது மனப்போக்கின்படி தவறாக பொருளுரை எழுதப்பட்டனவாம். கவனிக்கவும்: மிகச்சில குறள்களே! எவை அவை? ஏன்? அதன் உண்மையான பொருள் யாது என்பதனை ஆசிரியர் நாமக்கல் கவிஞர், ’திருவள்ளுவர் திடுக்கிடுவார் (1954)’ என்ற ஆராய்ச்சி கட்டுரையின் மூலம் வெளியிடுகிறார்.

தலைப்புக்காரணம் ?? தான் சொல்ல வந்த கருத்தை புரிந்துகொள்ளாமல், வேறு கருத்தை பின்பற்றுகிறார்களே என்று வள்ளுவர் காதில் கேட்டால் அதிர்வாராம்!

சிறப்பான சில நூல்கள், படிப்பவர்களுக்கு எதையும் தனியாக சொல்லாமல், தானே உணர்ந்துகொள்ளுமாறு ஒரு தகவலை கொண்டிருக்கும். இந்த நூலிலும் அப்படி ஒன்று உண்டு. அது - ’அதிகாரத்தின் ஒரு குறளை மட்டும் தனியாக அர்த்தம் கொள்ளாமல், ஒரு அதிகாரத்தையே மொத்தமாக படித்து, சிந்தித்து, மொத்தமாக புரிந்துவைத்துக்கொள்ளவேண்டும்’ - என்பது! வாய்மை எனப்படுவது எப்பொழுதும் உண்மையை மட்டும் பேசிக்கொண்டிருப்பதல்ல, உண்மை வலிதரும் என்றால் தீங்கிழைக்காத பொய் சொல்வதும் வாய்மைதான் என்பது முழு அதிகாரம் படித்தால்தானே புரிகிறது!

வாழ்க்கையில்,எத்தனையோ சமயங்களில் பின்பற்ற நினைக்கும் அல்லது அவ்வப்போது மேற்கோள்களுக்காகவாவது நாம் பயன்படுத்தும் குறள்களை நாம் சரியாக புரிந்துவைத்திருக்கிறோமா என்ற சுயகேள்வியை கேட்கவைக்கின்றது இந்த நூல்.

குறிப்பாக, அறத்துப்பால் குறள்கள் யாவும் ஒரு நாடாளும் மன்னனுக்கு மட்டும் சொல்லப்பட்ட விஷயங்களல்ல! நவீன காலத்தில் அரசர்கள் எங்கேயிருக்கிறார்கள்? அரசனாக வள்ளுவர் உருவகப்படுத்துவது - ஒவ்வொரு குடும்பத்தலைவனையும்! என நூலாசிரியர் கூறுகிறார். அதாவது, இரண்டாயிரம் வருடங்களாக தன்னடக்கமாக இருக்கும் - Complete Personality Development Course!

இந்த நூலின் ஆசிரியர் - "தமிழன் என்றொரு இனம் உண்டு தனியே அதற்கு ஒரு குணமுண்டு" என்று முழங்கிய நாமக்கல் கவிஞர். கவிஞரின் சரிதையை படித்தபோது, உப்பு சத்தியாக்கிரகப்போராட்டத்தில் (ஒரு வருடம்) சிறையிலிருந்த சமயம் எழுதிய திருக்குறள் தெளிவுரை பற்றி குறிப்பிடப்பட்டிருந்தது. அது இதுதானா என்பது ஒரு சந்தேகம்.

தன் உடல்நிலையை மேம்படுத்திக்கொள்வதற்காக சிறையில் கொடுக்கப்பட்ட காசை, திருக்குறள் நூல்கள் வாங்குவதற்கும் அதற்கு தெளிவுரை எழுதுவதற்காகவும் செலவு செய்தாராம் கவிஞர்.

கிடைக்குமிடம்
அலைகள் வெளியீட்டகம்,
4/9, 4ம் முதன்மைச்சாலை,
யுனைடெட் இந்தியா காலனி,
சென்னை-600 024.
விலை : ரூ.40/-

* * * * * * * * * * * * * * * * * * * * * * * * * * * * * *

பறவைகளின் V-Formation

காலமாற்றங்களின் போது வெகுதூரங்களுக்கு செல்லும் பறவைகள் எவ்வாறு சோர்வில்லாமல் பறக்கின்றன? -

இதற்கு விடை : பறக்கும்பொழுது அவை எடுத்துக்கொள்ளும் ‘வி’ வடிவம். ஒரு பறவையை பின் தொடர்ந்து பறக்கும் மற்ற எல்லா பறவைகளுக்கும் அதிக கடினமின்றி பறக்கமுடிகின்றது.

தலைமைப்பறவைக்கு மட்டும் காற்றோடு எதிர்நீச்சல். பின்னால் மற்றும் பக்கவாட்டில் பறக்கும் பறவைகளுக்கு வேலைப்பளு அதிகம் இல்லை. தலைவர் பறவை, சோர்வடையும்போது விளிம்பில் உள்ள பறவை தலைமையேற்றுக்கொண்டு முன்னே பறக்கும்! இப்படி பறப்பதனால், 70% அதிகமான தூரத்தை கடக்கின்றனவாம். இதெல்லாம் யார் இவற்றுக்கு சொல்லிக்கொடுத்தது??!!

இந்த பறக்கும்முறையைத்தான் போர் விமானங்களில் பயன்படுத்துகிறார்கள்!

* * * * * * * * * * * * * * * * * * * * * * * * * * * * * *

Vehicles மற்றும் Robots

எந்திரன் படத்தில் விஞ். வசிகரன், ஆராய்ச்சியாளர்களின் ஒப்புதல் வாங்குவதற்கு முன்னேயே தனது ரோபோவை வெள்ளோட்டம் பார்ப்பார். யோசித்துப்பார்த்தால், அது மிகவும் திகிலூட்டக்கூடிய விஷயமாகப்படும்!

நம்முடன் எப்பொழுதும் ஒரு Semi-Robot வாக இருப்பவை நமது வாகனங்களே! அதை ஓட்டுவதற்கே, எத்தனை சாலை விதிகள், ஓட்டுனர் உரிமம் வழங்குவதில் கட்டுப்பாடுகள் (சரிசரி மீறினால்தான் விபத்தாகிறதே!) . இப்படி இருக்கின்றபோது, எதிர்காலத்தில், ரோபோக்களை தக்கவிதத்தில் முறையாக தயாரிப்பதற்காக கம்பெனிக்காரர்களும் மற்றும் அவற்றை பயன்படுத்துவதற்காக அதன் பயனாளரும் சரியான உரிமம் பெறவேண்டியதிருக்கும்!

* * * * * * * * * * * * * * * * * * * * * * * * * * * * * *

திறந்த மூலத்தகவல்கள் (Open Data)

திறந்த நிரலிகளுடன் மென்பொருட்கள் தருவது மாதிரி, சில நிறுவனங்கள் தங்களது டேட்டாவை பயனாளர்களுக்கு பயன்படும் வகையில் வெளிப்படையாக வைத்திருக்கிறார்கள். உலக வங்கி,RBI,தேர்தல் ஆணையம்(ஹைய்யா!) முதலான பெரிய பொது நிறுவனங்களும் இதில் அடக்கம்! ஆனால் உங்கள் ஆசைக்காக ஸ்விஸ் வங்கித்தகவல்களெல்லாம் கிடைக்காது!

என்னுடைய அடிப்படையான அலுவலக வேலையே - மெட்ரிக்ஸ் தான். அதாவது, நிறைய தகவல்களை Raw Data வாக பல ஊடகங்களில் தருவார்கள். அவற்றை எங்கள் டேட்டாபேஸில் தரவிறக்கிக்கொண்டு, SQLல் குவரியோ இல்லை ஸ்டோர்ட் ப்ரொஸீஜரோ எழுதி, வேண்டிய ரிப்போர்ட்களை உருவாக்கி அனுப்புவோம். ரிப்போர்ட் என்றால் இருக்கின்ற தகவல்களின் அடிப்படையில் மெய்மைகளும் விளக்கங்களும் (facts and figures) இடம்பெறுமாறு, தற்போதைய அல்லது எதிர்கால வணிகப்போக்கை புரிந்துகொள்ளும் வகையில் தயார் செய்வது! தகவல்களே இல்லையென்றால்? ரிப்போர்ட் இல்லை!

Open Data - வால் என்ன நன்மை?
ஒரு குறிப்பிட்ட இலக்கோடு முயற்சியில் இறங்கும் ஆராய்ச்சியாளர்கள், கண்டுபிடிப்பாளர்கள், மாணவர்கள் போன்றவர்கள் தகவல்களுக்காக அலைந்து நோகாமல் ’அந்தத்தகவல்களை நாங்கள் தருகிறோம் நீங்கள் அதனை பயன்படுத்தி ஏதாவதொரு கண்டுபிடிப்புகள் கொண்டுவாருங்கள்’ என்றோ அல்லது சிலசமயம் அந்த எதிர்பார்ப்புகளுமின்றி அல்லது ஆட்சேபணைகளுமின்றி பொதுத்தகவல்களை வெளியிடுகின்றார்கள். அவர்களுக்கு, அதனை வைத்து Business and Financial Risk Analysis போன்றவற்றை சுயமாக ஆராய்ந்து சொல்லும் உபகரணங்களை கண்டுபிடித்து மட்டும் கொடுத்தால், கோயில் கட்டி கும்பிடுவார்கள்!

கல்லூரி இறுதி மாணவர்கள் ப்ரொஜக்ட்டுகளுக்காக அலைவார்கள். அவர்களுக்கும் இது பயனுள்ளதாகயிருக்கும் என்று நினைக்கிறேன்.

கீழே உள்ள இணைப்புகள் இன்னும் சொல்லும்:
http://www.thehindu.com/sci-tech/internet/article425608.ece
http://www.hindu.com/biz/2011/03/28/stories/2011032856261600.htm

'டெட் (TED)' டில் வீடியோ

http://www.ted.com/talks/tim_berners_lee_the_year_open_data_went_worldwide.html

எந்தத்துறையின் ஓப்பன் டேட்டா வேண்டும்? கிடைக்கும் இந்த இணைப்பில்:
http://www.researchpipeline.com/mediawiki/index.php?title=Main_Page

நிரலிகளுக்கு புரியக்கூடிய வகையில் தகவல்களை மாற்றி தரும் பொறுப்பை மேற்கொண்டுள்ளது இந்த அமைப்பு : http://www.opencivic.in/

ஓப்பன் டேட்டாவை அடிப்படையாக வைத்து சில போட்டிகள் - தக்க பரிசுகளுண்டு!

உலக வங்கி: http://appsfordevelopment.challengepost.com/
ஒரு கல்வி மற்றும் சேவை நிறுவனம்: http://www.donorschoose.org/hacking-education

* * * * * * * * * (மீண்டும் சந்திப்போம்!) * * * * * * * *

Cartooning - வரைய ஆரம்பிக்கின்றேன்!

2010-11-02T19:42:00.000-07:00

பெரிய அளவில், ஓவியப்போட்டிகளில் வெற்றிபெறாவிட்டாலும் கேலிச்சித்திரங்கள் வரைவதில் மட்டும் ஒரு ஆர்வம் உண்டு எனக்கு! Just ஒரு Hobbyist! அவ்ளோதான்!

புதிதாக வாங்கிய பென்-டேப்ளட்டில் சில கார்ட்டூன்கள் வரைந்துபார்த்தேன்... நல்லாயிருக்கா???

இனி என் பதிவுகளில் சில கார்ட்டூன்கள் எட்டிப்பார்க்கும்.. :)

கீழே உள்ளது - Self Caricature!!! ஹி.. ஹி.. ஹி..

உங்கள் பதிவுகளுக்கும் கேலிச்சித்திரங்கள் மற்றும் கார்ட்டூன்கள் வேண்டுமா?

பிற பதிவர்களின் பதிவுகளுக்கும் கேலிச்சித்திரங்கள் வரைய ஆர்வமாக இருக்கிறேன். இலவசமாகத்தாங்க! கவிதை மற்றும் சில சிறுகதை வகைகள் தவிர்த்து மற்ற அனைத்து வகைப்பதிவுகளுக்கும் கார்ட்டூன்கள் வரைய முடியும்! விருப்பம் உள்ளவர்கள் கீழ்குறித்த மின்னஞ்சலில் என்னை அணுகவும்..

எண்ணச்சிதறல்கள் ... (02/11/2010)

2010-11-01T19:35:00.000-07:00

ஒரே விஷயத்தைப்பற்றி நிறைய எழுதுவதைவிட, சில விஷயங்களைப்பற்றி குறுந்தகவல்களாக குறிப்பிடுவது சுலபமாக இருக்கிறது. குறைந்த நேரத்தில் நிறைய தகவல்கள் பகிர்ந்துகொள்வதும் சுவாரஸியமாக இருக்கும் என்று நினைக்கிறேன்...

-oOo- -oOo- -oOo- -oOo- -oOo- -oOo- -oOo-

பூக்கள் பூக்கும் தருணம்

தனது வயதுக்கும் மீறிய படைப்பை தந்திருக்கும் G.V.பிரகாஷ், எட்டுக்கும் மேற்பட்ட ராகங்களை இந்த பாடலில் பயன்படுத்தியிருக்கிறார் என்று சொல்லிக்கொண்டிருக்கிறார்கள் விவரம் தெரிந்தவர்கள்! தனது வாழ்நாளுக்கும் பெருமை தரும் இந்தப்பாடலை தந்தவர், இன்னும் சிறப்பான பாடல்களை தரவேண்டும் - வாழ்த்துக்கள். பூக்கள் பூக்கும் தருணம் ரசிக்க இங்கே கிளிக்கவும்...

மதராசப்பட்டினம் படமும், பக்கா! சமீபத்தில் வந்த மிக சிறந்த படங்களில் ஒன்று எனலாம்! டைட்டானிக், லகான் - ன் சாயல் என்று வெறுமனே சொல்லிவிடுவது, இந்த படத்திற்கு நாம் செய்யும் அவமரியாதை என்று படுகிறது.. இளைய எமி மட்டுமில்லை.. வயதான எமியாக வரும் கமல்-சாயல்-பாட்டியின் கம்பீரமான நடிப்பும் பிடித்திருந்தது..

-oOo- -oOo- -oOo- -oOo- -oOo- -oOo- -oOo-

கமலும் சர்ச்சையும்

விஜய் டிவி, காபி வித் அனு-வின் ப்ரமோவில் இன்று, கமல், பக்தி பற்றிய சர்ச்சையான தன் கருத்தைக்குறிப்பிடுகிறார், அதுவும் தன் அண்ணன் மகளை வைத்துக்கொண்டு! சும்மா இருக்கமாட்டாரே..

-oOo- -oOo- -oOo- -oOo- -oOo- -oOo- -oOo-

டண் டணா டண்..

சன் டாரக்ட் விளம்பரத்தில், டாக்டர் ட்யூனிங் போர்கை தட்டி காதில் வைக்கவும், ‘டூஊஊஊஊஊ’ என்ற அவர் சொல்வது, வேடிக்கையாக இருக்கின்றது :))

-oOo- -oOo- -oOo- -oOo- -oOo- -oOo- -oOo-

பழைய பாடல்கள் - புதிய குரல்கள் !

யூட்யூபில் காணக்கிடைக்கும் இந்த வீடியோக்களில் இவர்கள் பாடும் பழைய பாடல்களில், இனிமை மாறாமல் இருப்பதற்கு முக்கியக்காரணம் - இசைஞானி!

என்ன சத்தம் இந்த நேரம்...
கரோகி, வீடு முழுதும் ஸ்பீக்கர்கள், மைக்கில் பாடல் - என இவர் பண்ணும் அமர்க்களம் ரசிக்க வைக்கின்றது.. அக்கம்பக்கத்தவர்கள் ஒன்று சொல்லவில்லையா? இந்த தந்தை-மகள் போலவே, நானும் என் மகளுக்கு நல்ல Friend-ஆக இருக்கவேண்டும் என்பது என் மனைவி ஆசை! எனக்கு முக்கியமாக பாட வராது! நான் தாலாட்டு பாடி, என் (இரண்டு வயது) மகள் தூக்கத்தில் இருந்து விழித்துக்கொண்டது, ஒரு Discouraging -ஆன நிகழ்வு ;( அவரவர்க்கு என்ன வருமோ அதை மட்டுமே செய்ய வேண்டும்போலிருக்கிறது :)) காணொளி மற்றும் பாடலைக்கேட்க இங்கே கிளிக்கவும்!!!

குழலூதும் கண்ணனுக்கு..
வேகமாக பாடுவதும், சில டெக்னிக்கல் தவறுகள் இருப்பதும் குறையாக தெரியாது! காணொளி மற்றும் பாடலை கேட்க இங்கே கிளிக்கவும்!

-oOo- -oOo- -oOo- -oOo- -oOo- -oOo- -oOo-

எந்திரன் - சிட்டி

படப்பிடிப்பு முடிந்ததும், எந்திரன் சிட்டியை, Stan Winston Studios-வுக்கே தந்துவிடவேண்டும் என்பது ஒப்பந்தமாம்! அதன்படியே இப்பொழுது, டெர்மினேட்டர் ஆர்னால்ட் ரோபோவுக்கு அருகில் நம் சிட்டியும்! (நன்றி : குமுதம்). இங்கே அருகே சிட்டி வேற -
தீபாவளி நல்வாழ்த்துக்களுக்காக!!!

-oOo- -oOo- -oOo- -oOo- -oOo- -oOo- -oOo-

3=4 என்பது தப்புக்கணக்கா?

2010-10-10T02:42:00.000-07:00

நான் பாட்டுக்கு செவனேன்னுதானே இருந்தேன் !!!

3=4 என்பது மாதிரி ஒரு தப்புக்(கஷ்டக்)கணக்கை கொடுத்து, என்னையும் சிந்திக்க வைத்தான் என் குழு நண்பன்.

அப்புறம் என்னாச்சு? தோல்வியை ஒப்புக்கொண்டு, கேண்டீனில் குழிப்பணியாரம் ஸ்பான்சர் செய்யவேண்டியதாகிவிட்டது! ;(

அதெல்லாம் சரி..

3=3 சரி
4=4 ஓகே
எப்படி 3=4 ஆகும் ?

இதோ இப்படித்தான்...

படம் 1.

விளக்கம்

1) -12 என்ற எண்ணை (9-21) மற்றும் (16-28) என்று இரு விதமாக எழுதலாம்.

2) இரு பக்கமும் (49/4) என்ற பின்னத்தால் கூட்டுகிறேன்.

3) ஒரு வசதிக்காக, 21=(2x3x7/2) என்றும், 28=(2x4x7/2) என்றும் குறிப்பிடுகிறேன்.

4) அது ஒரு குறிப்பிட்டிருக்கின்ற சமன்பாட்டினை ஒத்திருப்பதால், அடுத்த வரியில், அந்த சமன்பாட்டை பயன்படுத்துகிறேன்.

5) இரு பக்கமும், Square root எடுக்கிறேன்.

6) இரு பக்கமும் (7/2) -வை தவிர்த்தால், விடை...

அட ஆமாம்!!!

எந்திரன் - சில கேள்விகளும்/சிலாகிப்புகளும்!

2010-10-07T20:14:00.000-07:00

ஏற்கனவே கதை ஊகங்கள் மற்றும் விமர்சனங்கள் என நிறைய பேர் பதிவிட்டு ஓய்ந்தபின், இப்பொழுது வந்து ஏன் இந்தப்பதிவு என்றால், படத்தில் சொல்லப்பட்ட ரோபோட்டிக்ஸ், என் கவனத்தை ஈர்த்ததுதான்! நான் பட்டப்படிப்பு(2000) படிக்கும்போது, ஐசக் அசிமோவின் ரோபோ விதிகள் மனப்பாடம்!

படத்தைப்பற்றி -

(+) முதன்முதலாக, தமிழில் அறிவியல் படம். (நன்றி:சுஜாதா மற்றும் ஷங்கர்).
(+) ரஜினியின் உழைப்பு & நடிப்பு(சிட்டி)
(+) ஐஸ் டான்ஸ்
(+) ஏ.ஆர்.ரஹ்மானின் இசை
(+) கிராபிக்ஸ்

சில கேள்விகளும்/சிலாகிப்புகளும்

* சோதனையோட்டத்தில்(Beta) இருக்கும் சிட்டியை எப்படி பொது இடங்களுக்கு அனுமதியில்லாமல் அழைத்துவரலாம்?

* ரோபோ வில்லன், மிரட்டலாக இருந்தாலும், அலெக்ஸ் பாண்டியன் சாயலை தவிர்த்திருக்கலாம். ரஜினிக்கு வில்லன் ரோல் பொருத்தம் என்று ஒரு பதிவர் சொல்லியிருந்தார். அது முற்றிலும் சரி!

* வசீ-யை ரோபோ கூட்டத்திலிருந்து கண்டுபிடிக்கும் காட்சி. அந்த இடங்களில் ரஜினி(சிட்டி)யின் நடிப்பு பிரமாதம். “இப்பொ என் கையாலே நீ சாகப்போறே!” என்று மிரட்டும் அந்தக்காட்சி படத்தில் ஹைலைட்! ”நண்பேன்டா!!!” மாதிரி புகழ் பெறக்கூடும். அந்த இடத்தில் பயமுறித்திருக்கவேண்டிய இசை பிடித்திருந்ததாலும் பயமுறுத்தவில்லை! ஏதோ சிம்பொனி மாதிரியிருக்கிறது!

* ஒரு ரோபோ இன்னொரு ரோபோவை தன்னிச்சையாக உருவாக்கமுடியுமா? Worst Case-ல், அத்தனை ரோபோக்களின் உருவாக்கத்திற்கும் வேண்டிய அடிப்படை பொருட்கள் - சர்க்யூட்கள் முதல் இரும்பு வரை - எங்கே எப்படி அதற்கு கிடைத்தது? Software - ஐ, காப்பி-பேஸ்ட் செய்யலாம். Hardware- ஐ காப்பி-பேஸ்ட் பண்ணமுடியாதில்லையா? அப்படியே உருவாக்கினாலும், எல்லா ரோபோக்களும் சமதிறன்களுடன் தானே இருக்கவேண்டும். தலைமை ரோபோ தவிர மற்றவை எல்லாம் ஆட்டுமந்தை போல சாதுவாக இருக்கிறதே! தங்களுக்குள் ஒரு மனிதன் இருப்பதை, தலைவன் மட்டும் தான் கண்டுபிடிக்கமுடியுமா?

* Highly equipped - என சொல்லப்படுகின்ற ரோபோக்களுக்கு மனிதனின் நடமாட்டம் தெரியவில்லையா!

* வசீயின் தாடி வில்லன் வளாகத்தில் இருக்கும்போது வளரவே வளராதா? தினம்தினம் ஷேவ் செய்ய வீட்டுக்குபோகிறார் என்றால், செக்யூரிட்டி ஆக்ஸஸ் பிரச்சினையை எப்படி சரிகட்டமுடிந்தது?

* உணவே தேவைப்படாத இடத்தில் ஏன் ஃபிரிட்ஜ், கிச்சன் எல்லாம்! ”யாருமே இல்லாத கடையில...”! ஐஸ்-ஐ கடத்தி வந்தால் தேவைப்படுமென்று முன்கூட்டியே அங்கேயே இருந்ததா?

* ரோபோ-க்களுக்கு, மின்திறன் குறையும்பொழுதெல்லாம், வழியில் உள்ள மின்சாரப்பெட்டியில் இருந்தோ காரிலிருக்கும் பெட்ரோல்லிருந்தோ சார்ஜ் ஏற்றிக்கொள்வது, நல்லாயில்லைங்க!

* ரோபோக்களை அழிக்கும்போது, வெறும் கட்டளைகளை மட்டும் அழித்தாலே போதுமானது. கைகால் தலையை வெட்டிவிட்டால் உயிர்(!) போகாது!

* ரோபோ-க்கள் அறிவிலி! அறிவூட்டம் செய்வதற்கும் முன், ரஜினி, “என்னை குத்துனு சொன்னா குத்திடுவியா?”,”முட்டாள்.. ஒரு போர்வையை சுத்திக்கிட்டு வரத்தெரியாது?” என்று கேட்கும் இடங்கள் லாஜிக் ஓட்டைகள்.

* ரோபோக்களுக்கு உணர்ச்சிகள் அமைப்பது கடினம்! மனித உடலில் ஹார்மோன்கள் பயணமே அல்லது ஹார்மோன்களால் நிகழும் மாற்றமே - உணர்ச்சிகள்.

* ஒரு ரோபோவே பல்லாயிரக்காண பலத்தைக்கொண்டிக்கையில், ஏன் ஆயிரம் ரோபோக்கள் விதவிதமான ஜியாமெட்ரி வடிவங்களெல்லாம் செய்து, சண்டையிட வேண்டும்? கிராபிக்ஸ் பிரமாதமானாலும், நீண்ட நேர கிளைமாக்ஸ், களைப்பாகிறது!

* நீச்சலை - படித்தல் என்பது வேறு! கற்றல் என்பது வேறு! ஒரு புத்தகத்தை படித்ததனால் மட்டுமே எப்படி ஒரு பிரசவம் பார்க்க இயலும்?

* ’மாற்றான் மனைவியை காதலிக்க முற்படும் ரோபோ’ என்ற ஒருவரி கதைக்களனை ரொம்ப பிரமாண்டமாக சொல்லியிருக்கிறார்கள். சுமார் 10 வருடங்களாக அடைகாத்த கதை. அதை அந்த சமயத்திலேயே எடுத்திருந்திருக்கலாமோ? இன்னும் பிச்சு உதறியிருக்கும்! எல்லாமே ரோபோடிக்ஸ்களின் பழைய கருத்துருக்கள்! முடிவில், ’ரோபோடிக்ஸ் படிப்பிற்கு நிறைய ஸ்கோப் உண்டு’ என்பது வேடிக்கையாக இருக்கிறது! (சுமார் பத்து வருடங்களுக்கு முன், அப்படி ஒரு தோற்றம் இருந்தது.)

* Mrs. Doubtfire (1993)-ன் பாதிப்பு கொஞ்சம் அவ்வை சண்முகியில் இருந்தால், Bicentennial Man (1999)-ன் சாயல் எந்திரனில்! இரண்டுக்கும் ஒரே ஒற்றுமை - ஃபிளப்பர் ஹீரோ - ராபின் வில்லியம்ஸ்!

NOTE: மேலேயுள்ளவை எந்திரன் கார்ட்டூன்-நான் வரைந்தது! (நல்லாயிருக்கா?)

Fake Recruitment Letter !!! (Beware)

2010-09-07T09:05:00.000-07:00

’செவப்பா இருக்கிறவன் பொய் சொல்லமாட்டான்’ மாதிரி, ’நுனிநாக்கு ஆங்கிலம் பேசுறவன் ஃபிராடா இருக்கமாட்டான்’-னு நம்மிடையே ஒரு கருத்து நிலவுகிறது.. அதனால்தான் கீழே உள்ளது போல ஒரு மின்னஞ்சல் கிடைக்கப்பெற்றால் சட்டென சந்தேகம் வருவதில்லை.. ஏமாந்துவிடுகிறோம்!
இந்தமாதிரி பொய்ப்பித்தலாட்ட மின்னஞ்சல்களுக்கெல்லாம் அடிப்படையில் ஃபார்மெட் ஒன்றே!

ஒரு பிரபல நிறுவனத்தின் பெயரில் அனுப்பப்பட்ட (போலி) பணிநியமன கடிதத்தை கீழே பார்க்கவும் -

----- Forwarded Message ----
From: VIDEOCON ELECTRONICS LIMITED <info@videocon.co.in>
Sent: Thu, 2 September, 2010 8:08:52 PM
Subject: RECRUITMENTS OFFER
REF: "VIDEOCON" DIRECT RECRUITMENTS OFFER.

Your Resume has been selected for our new plant. The Company selected 62 candidates list for IT,Administration,Production, marketing and general service Departments, It is our pleasure to inform you that your Resume was selected as one of the 62 candidates shortlisted for the interview. The Company VIDEOCON is a brand name in Electronics manufacturing business in India, The Company is recruiting the candidates for our new plants in Delhi,Bangalore, Pune and mumbai.

Your interview will be held at The Company Corporate office in New Delhi on 13th September at 11.30 AM, You will be pleased to know that The 62 candidates selected 55 candidates will be giving appointment, Meaning that your Application can progress to final stage. You will have come to The Company corporate office in New Delhi. Your offer letter with Air Ticket will be sent to you by courier before date of interview. The Company can offer you a salary with benefits for this post 35, 000/- to 2, 00, 000/- P.M. + (HRA + D.A + Conveyance and other Company benefits. The designation and Job Location will be fix by Company HRD. At time of final process. You have to come with photo-copies of all required documents.

REQUIRED DOCUMENTS BY THE COMPANY HRD.
======================================
1) Photo-copies of Qualification Documents.
2) Photo-copies of Experience Certificates (If any)
3) Photo-copies of Address Proof
4) Two Passport Size Photograph.

You have to deposit the (Cash) as an initial amount in favor of Company HRD. Department. for Rs. 10,200/- ( Ten thousand two hundred rupees ) through any [STATE BANK OF INDIA] Branch from your Home City to Company Senior HRD. Account NO, which well be send to you upon your response. This is a refundable interview security. Your offer letter with Air tickets will be sent to your Home Address by courier after receiving the confirmation of interview security deposited in STATE BANK OF INDIA. This Company will pay all the expenditure to you at the time of face-to-face meeting with you in Company. The Job profile, salary offer, and date -time of interview will be mention in your offer letter. Your offer letter will dispatch very shortly after receiving your confirmation of cash deposited in STATE BANK OF INDIA.

We wish you the best of luck for the subsequent and remaining stage. The last date of security deposited in bank 8th of September 2010 You have to give the information after deposited the security amount in bank to The Company HRD - direct recruitment via email. Your Letter with supporting document will be dispatch same time by courier to your postal address after receipt of security deposited confirmation in bank. The interview process and arrangement expenditure will be paid by VIDEOCON. Lodging, traveling and local conveyance actual will be paid by VIDEOCON as per bills. The candidate has to deposit the initial refundable security as mentioned by HRD.

NB: You are advice to reconfirm your mailing address and phone number in your reply. and 10,000/- ( Ten thousand rupees ) will be the refundable amount, as 200 rupees will be deducted as bank charges for funds deposit. and if you are been selected or not, still the amount will be refunded to you, as the amount is just to prove that you will be coming for the interview in order for us not to run at lost after sending you the air ticket and you don't show up on the day of interview.

Wishing you the best of lucks

Regards
MR.DEEPAK SHARMA - (Executive - HRD)
MR.MAXWELL ERICSON - (SECRETARY)
Videocon Electronics India Ltd.
H.O. - 174, Videocon House,
G.K. Part – 1, Greater Kailash.

திருடுவதில் இது மிகப்பழைய டெக்னிக்! மீண்டும் மீண்டும் ஏமாந்தால் அது ஏமாற்றியவனின் குற்றமில்லை !

Circle the cat (addictive game) எப்படியெல்லாம் யோசிக்கிறாய்ங்க பாருங்க!

2010-08-14T01:24:00.000-07:00

ஒரு சவாலான பூனை! இங்கே அங்கே நகரவிடாமல் அதனை ஒரு பொறியில் சிக்கவைக்கவேண்டும்.. இதுதான் சுவாரஸியம்.. என் அலுவலகத்தில் இந்தப்பூனை ரொம்ப பிரபலம். சுதந்திர தின ரங்கோலி போட்டியில் வரையாத குறை! அவ்வளவு addictive..

சிலசமயம், இந்தப்புள்ளியா, அந்தப்புள்ளியா என்று ’மதில்மேல் பூனை’யாகி திணறவிடுகிறது!

(முயன்று பார்க்க : பூனைமீது கிளிக்கவும்)

வேலைக்கு பிரச்சனையாகாமல் இருக்கணும். அதேசமயத்துல, போரடிச்சா விளையாடணும் ஆன்லைன்ல.. அதுக்கும் வழி இருக்கு!
”என்னைப்பார்த்தா தெரியல நான் ரொம்ப பிஸினு ?? “- இப்படி ஒரு தளம்!

மாதிரியே இருக்கும்.. ஆனா எக்செல் இல்லை. வேர்ட்டும் இல்லை! மேனேஜர் பக்கத்துல இருந்தாலும் கண்டுபிடிக்கிறது கஷ்டம்!

(ராக்கெட் கண்ணுக்கு தெரியுதா?)

மேனேஜர்களுக்கு ஒரு அட்வைஸ்:
உங்கள் டீம்மேட்ஸ், எம்.எஸ்.வேர்ட் அல்லது எம்.எஸ்.எக்செலில், பிஸியாக இருந்தா, கிட்டபோய் பாருங்க! ஏதோ நம்மளால முடிஞ்சது, நாரா..யணா !

எந்திரன் ரஜினி - ”தன்னடக்கத்தோட இருப்பது தப்பாய்யா?”

2010-08-11T18:52:00.000-07:00

எந்திரன் இசை வெளியீட்டில் ரஜினி, காதல் காட்சிகளில் ஐஸூடன் நடிக்க கூச்சமாகவும், தூரத்திலிருந்து பார்த்தால், அமிதாப் ‘ஜாக்கிரத!’ (கபர்தார்) ங்கிறா மாதிரியும் இருந்தது.. என்று சொன்னாலும் சொன்னார். அடுத்த நாள், இணையத்தில் அந்த வார்த்தையின் ஹிட்ஸை நீங்களே பாருங்கள்..!

(கிளிக் செய்து பெரிதாக பார்க்கவும்)

நேற்றைக்கு யாஹூ(Yahoo!)வின் முகப்பில், ஒரு செய்தி! சூப்பர் ஸ்டார் ரஜினியின் பேச்சினால், ரசிகர்கள் கடும் அதிருப்தி! யாரும் சங்கடப்படுறமாதிரி எதையும் சொல்லமாட்டார் ரஜினி!

யாஹூ-வே அவர் அரசியலுக்கு வருகிற பேச்சு, இனிமேல் எந்த சர்ச்சையையும் கிளப்பாது என்பதனால் அப்படி என்னதான் சொல்லி திடீர் சலசலப்பிற்கு காரணமானது? என்று தலையைப்பிய்த்துக்கொள்கிறது.

எந்திரன் படத்தில், கலாநிதியின் ஒத்துழைப்பு, ஷங்கர், ரஹ்மான், வைரமுத்து, ஐஸ்வர்யா ராய், ராண்டி, பீட்டர் ஹெய்ன்,பானு(ரஜினி மேக்கப் வுமன்) ஆகியோர்களின் உழைப்பு பற்றி சிலாகித்து கூறியதும், தன்னைத்தாழ்த்திக்கொண்டதுமாதிரி பேசியதும் சர்ச்சையை கிளப்பிக்கொண்டிருக்கின்றன...

ரஜினி -

“இந்தப்படத்தில், என் ஸ்டைல், என் பேச்சு...எதுவுமே கிடையாது. எல்லாமே டைரக்டர் எனக்காக முடிவு பண்ணிட்டார்..”,

“நீங்களே வர்றீங்க, ஒரு குழந்தைக்கு அனைத்தும் சொல்லிக்கொடுத்து, வேடிக்கை பார்ப்பதுமாதிரி எனக்கு நடக்க, பேச,நடிக்க, டான்ஸ் ஆட சொல்லிக்கொடுத்து, மேக்கப் போட்டு, பெரிய பெரிய படங்களெல்லாம் எடுத்து, என்னை அழகுபார்த்து, எனக்கு பெயர் வாங்கிக்கொடுக்கிறீங்க!”

“150 கோடியில எடுப்பதுனால மட்டுமோ, அல்லது உலகப்பிரபலங்கள் பணிபுரிந்த படம் என்பதனாலேயோ இந்தப்படம் சூப்பர் என்றால் ஒத்துக்கமுடியாது...இது ஒரு சயின்ஸ் ஃபிக்‌ஷன்!”

இப்படி பேசியதுதான் பிரச்சினையாயிருக்கிறது...
ரஜினி ஒரு எளிமையான மனிதர்.. அவர் பேச்சும் செயலும் அப்படியே! (இமயம் செல்லும்போதெல்லாம், கட்டாந்தரையில் தூங்குவது; யாரும் எதிர்பாரா வண்ணம் கமல்-50 ல், ’தன் ரோல்மாடல் கமல்தான்!’ என்பது;) என்றைக்குமே தனக்கே தனக்கு ஒரு பிரமாண்டம் இருப்பதாக நினைப்பவரில்லை. அவருடைய எளிமை குணம் தெரிந்தும், தீவிர ரசிகர்களுக்கு அவருடைய பேச்சு சந்தோஷத்தை கொடுக்கவில்லை... நிஜத்தில் எவ்வளவுதான் தன்னடக்கத்தோடு இருந்தாலும், தன்னை எங்கேயும் விட்டுக்கொடுக்காமல் இருக்கவேண்டும் என்பது ரசிகர்களின் அவா. (”ஆனா, படம் மட்டும் முதல் ஷோ வுல பாத்திருவோம் தலைவா!”)

(நன்றி: டைரக்டர் ஷங்கரின் தளம்)

ரஜினி இன்னுமும் கதாநாயகனாக நடிப்பதற்கு எதிர்ப்பு தெரிவிப்பவர்கள் இருக்கிறார்கள்.. அவருக்கு ஐஸ் ஜோடியா என்ற அங்கலாய்ப்பு வேறு! Entrapment(1999) பார்த்திருந்தவர்கள் இப்படி சொல்லமாட்டார்கள். ஹீரோ ஷேன் கானரிக்கு சுமார் 70 வயது.. ஹீரோயின் காத்தரீனுக்கு 35!

ரோபோ கதை முதலில் சுஜாதாவால், கமலுக்காக எழுதப்பட்டது என்பது தெரியும். தயாரிப்பு செலவுகள் அதிகம் தேவை என்பதால் கைவிடப்பட்டதாக சொல்லப்பட்டது. கமலுக்குப்பின், ஷாருக், அஜித், அமீர்கான், கடைசியில் ரஜினி என்று முடிவு செய்து, இடையில் சுஜாதா மறைந்து, விட்டுச்சென்ற மீதி வசனங்களை ஷங்கரே எழுதி... இதோ இப்பொழுது எந்திரன்!

ரோபோ-விற்கு, எந்திரன் அல்லது எந்திரா என்று சுஜாதா சொன்ன தமிழ் தலைப்புகளிலிருந்து, எந்திரன்-ஐ ஓகே செய்துகொண்டார் ஷங்கர்.

எப்படி மறந்தார்கள் சுஜாதாவை...!

* * * * * * * * * * * * * * * * * * * * * * * * * * * * * * * *
ரிலேக்ஸ் - ஓட்டல் வாசலில்!

அவ்ளோதான் இன்னிக்கி!
உங்கள் கருத்துக்களை சொல்லுங்க!

எந்திரன் இசை வெளியீடு(Callout-toons) மற்றும் ஒரே நாளில் உலகப்புகழ்பெற்ற கைப்புள்ள!

2010-08-07T12:55:00.000-07:00

எந்திரன் - இசை வெளியீட்டு விழாவில் சொல்லப்படாத விஷயங்கள்.. (முக்கியக்குறிப்பு : யாரையும் புண்படுத்துவது நோக்கமல்ல!)

* * * * * * * * * * * * * * * * * * * * * * * * * * * * * * * * * * * * * * * * * *
ஒரே நாளில் உலகப்புகழ்பெற்ற கைப்புள்ள!

Antoine Dodson என்றொருத்தரின் விரக்தியான (வெறும்) பேச்சு வீடியோவாக யூட்யிபில் கிடைக்க, Auto tune remix என்ற மென்பொருள் மூலம் புகுந்து விளையாடிவிட்டார்கள்..
சாதாரண பேச்சை பாடலாக மாற்றித்தரும் மென்பொருள் அது. ஒரிஜினல் பேச்சு மற்றும் ரீமிக்ஸ் என்று அவருடைய எல்லா வீடியோக்களுக்கும் இதுவரை கோடிக்கணக்கான ஹிட்ஸ்! யூட்யூபின் முகப்பிலும் இவருடைய முகத்தைப்பார்த்திருக்கலாம். மனிதர் செம குஷியில் இருக்கிறாராம்(அதுவும் யூட்யூபில் உள்ளது). வீடியோ கமெண்ட்களில் நிறவெறி தாண்டவமாடுவதுதான் சகிக்கமுடியவில்லை!

ரீமிக்ஸ் (பிரமாதமான பாடலாக!!!) இங்கே

ஓரிஜினல் இங்கே

குறிப்பு: இந்த இரண்டு வீடியோக்களால், பதிவு தரவிறக்குவதில் நேரமாகிறது. அதனால் அதன் இணைப்பு மட்டும் மேலே!

MS - Excel -ல் நிபுணத்துவம் உள்ளவரா? - Wanted Professionals (MNC)

2010-07-08T18:59:00.000-07:00

MS - Excel - ல் நிபுணர்களுக்கு ஒரு அரிய வேலைவாய்ப்பு!

வேலைவிவரங்கள்:

Skills : Expert-Level Knowledge in MS - Excel and able to perform actions such as pivoting, applying formulas - vlookup, etc.

Company : Computer Sciences Corporation (CSC)

Experience : 1-2 Years

Required Joining Time : within one week.

விண்ணப்பிக்க விரும்புபவர்கள் என் க்கு மின்னஞ்சலில் உங்கள் பயோடேட்டா-வை அனுப்புமாறு கேட்டுக்கொள்ளப்படுகிறார்கள்.

மீண்டும்...

Wanted - Corporate Trainers (.NET 3.5/Sql Server Reporting Services)

2010-05-08T10:21:00.000-07:00

பன்னாட்டு நிறுவனங்களின் ஊழியர்களுக்கு நவீன தொழில்நுட்பங்களைக்கற்றுத்தர, ஒரு கார்ப்பரேட் பயிற்சி நிறுவனத்திற்கு, Full-time/Part-time Trainers தேவைப்படுகிறார்கள்.

கீழ்கண்ட ஏதாவது ஒரு தொழில்நுட்பத்தில் புலமை பெற்றிருத்தல் அவசியம்:

(1) .NET 3.5 Framework
(2) Sql Server Reporting Services (SSRS)
(3) Sql Server - Performance Tuning Techniques

என்னை மின்னஞ்சலில் தொடர்பு கொள்ள:

தங்களுக்கு தெரிந்த பகுதிநேர வேலைவாய்ப்புக்கள் ஏதேனும் இருப்பின் எனக்கு தெரியப்படுத்தவும்!

மீண்டும்...

ஜூன் 1-லிருந்து, ஆங்கிலம் A-Y தான்.. ‘Z' இல்லை !!!

2010-05-03T11:37:00.000-07:00

"Are you crazy?" என்றால் இனி தவறு! "Are you crasy?" அல்லது “Are you craxy?" என்பதுதான் சரி.

’English Language Central Commission (ELCC)’ என்றொரு அமைப்பு! தீவிர ஆலோசனை மற்றும் விவாதத்தின் முடிவில், ஆங்கிலத்தில் A-Z லிருந்து, Z மட்டும் நீக்கிவிடுவது பற்றி முடிவெடுத்துள்ளது. இந்த எழுத்திற்கென்று தனியாக எந்தவோரு ஒலியமைப்பும் இல்லாததே இதற்குக்காரணம்!

இங்கே பாருங்கள்

இதையும் பாருங்கள்

Zebra, zero, zodiac, zorro போன்ற இடங்களில் ”S” ஒலியோ அல்லது "X" ஒலியோ பெற்றிருப்பதால், தனியாக எதற்கு ஒரு எழுத்து என்ற ரீதியில் யோசிப்பதாக அறிவிக்கப்பட்டிருக்கிறது! அதனால், இனிமேல் zero இல்லை. xero தான். zoo இல்லை xoo! zone, இனி xone. zodiac, இனி xodiac ஆகும்!

மானாட மயிலாட-வில், இனி “amazing performance” கிடையாது. Amasing அல்லது Amaxing(!!!???) தான். அதேபோல, நகைச்சுவை வசனகர்த்தா Crasy Mohan அல்லது Craxy Mohan என்பதே சரி.

யாராவது தூங்குவதாக கார்ட்டூன் வரைந்தால், Xxxxxxxxx தான், Zzzzzzzz கிடையாது!

அய்யய்யோ நினைச்சு பார்க்கவே பயமாயிருக்கே! கண்ணக்கட்டுதே! என்ன பண்ணுவேன்!

இருங்க இருங்க... இப்போ என்ன நடந்துபோச்சுனு இப்படி புலம்புறீங்க!

மீண்டும் இங்கே பாருங்க

ஆமாங்க.. நம்ம Z நம்மள விட்டுட்டு எங்கும் போகல! சும்மா பயபுள்ளய ’ஏப்ரல் பூல்’ கொண்டாடியிருக்குதுங்க! இந்தப்புரளி, சாதாரண வாசகனிலிருந்து, கூகிள் வீக்கிப்பீடியா,டிவிட்டர் வரை பெரிய அதிர்வை ஏற்படுத்தியதாம்!

மாநகர பேருந்து-தோறும், ’தமிழ் செம்மொழி மாநாடு, சூன் 23’ என்ற வாக்கியம் அதே அதிர்வை என்னுள் ஏற்படுத்தியது! ஜூன் 23 என்றோ அல்லது அந்த தமிழ் மாதத்தின் பெயரேயோ குறிப்பிட்டிருக்கலாமோ என்று தோன்றியது.

தயவுசெய்து படித்த பிறகு மறவாமல் வாக்களிக்கவும் :)

கமலின் தசாவதாரமும், செக்வே (Segway) யும்!

2010-05-02T05:18:00.000-07:00

தசாவதாரம் திரைப்படத்தில், கமல் உபயோகிக்கும் இந்த வாகனத்தை பார்த்திருப்பீர்கள். இதற்கு பெயர் - செக்வே அல்லது சிக்வே. (Segway Personal Transporter)

இதன் சிறப்புக்கள்

இரண்டு லித்தியம் பாட்டரிகளால் இயங்கக்கூடியது.ஒரு தடவை சார்ஜ் ஏற்றினால்,24 மைல்களை, 12.5 மீ/ம வேகத்தில் கடக்கலாமாம்.

வாகனப்புகை கிடையாது(Zero emissions). எப்படியிருக்கும்? அதான் பாட்டரியாச்சே!

ஒரு சராசரி காரை விட, 11 மடங்கு சிறந்ததாக இருக்கிறதாம்.

சென்னை-திருச்சி தேசிய நெடுஞ்சாலை மாதிரி ரோடுகளில் மட்டுமல்ல, மிக கரடுமுரடான காடுகளில்கூட சிக்வே-யை பயன்படுத்தமுடியும். வழுவழு பிரதேசங்களில் மட்டும் பயன்படுத்தமுடியாது.

ஸ்கேட்டிங் போல சமநிலை பயிற்சி(balancing) தேவையா? இல்லவே இல்லை. செக்வே-யில் நமது சமநிலையையும் இயக்கத்தையும் உணர, ஆறு சென்சார்கள் பொருத்தப்பட்டுள்ளன. துரிதமாக மிகக்குறைந்த விநாடிகளில், சமநிலைமாற்றங்களை உணர்ந்துகொண்டு அதற்கேற்றவாறு,தானே சக்கரத்தை திருப்பி நின்றுகொள்கிறது.

”எப்படி காருக்கு ஒரு குட்டி குதிரை என்று உவமை தருகிறோமோ அதேபோல, இது ஒரு குட்டி கார் என்றால் தகும்!” என்கிறார் கண்டுபிடித்த Dean Kamen. மனிதர் அதற்குள் பாடண்ட் எல்லாம் வாங்கி வைத்திருக்கிறார். சுயமாக சமநிலைக்கு வரும் இயக்கதின் ரகசியத்தை எங்கிருந்து பெற்றாராம்? மனித உடலில் இருந்துதான்! நமது காதுகளுக்குள் இருக்கும் சமநிலை அமைப்பு, நாம் விழுப்போவதுபோன்ற தருணங்களில், ”விழப்போறான் காப்பாத்து!” என்று மூளைக்கு அறிவிக்க உடனே பாலன்ஸ் செய்து நின்றுவிடுவோம்.

விலை 2 லட்சம் என்று அதிகாரப்பூர்வமற்ற தளங்கள் தெரிவித்தாலும், செக்வே நிறுவன தளத்தில் ஒன்றும் சொல்லவில்லை.

சிக்வே-யில் பயணம் செய்யும்போது கொஞ்சம் ஜாக்கிரதையாக இருக்கவேண்டும். முன்னாள் அமெரிக்க அதிபர் புஷ் சிக்வே-யில் இருந்து கீழே விழும் காட்சி இங்கே:

சிக்வே - சிறுசிறு விபத்துகள் யூட்யூபிலும்

http://www.youtube.com/watch?v=pmLLGYn9Fo8
http://www.youtube.com/watch?v=wjldrPLX7Pg
http://www.youtube.com/watch?v=LZSvHKU7ytc

மேலும் விவரங்கள் மற்றும் ஆதாரம்
http://www.segway.com
http://www.howstuffworks.com/ginger.htm

புலால் உண்பது பாவம் என்றால், செல்போன்கள் பயன்படுத்துவது அதைவிட பாவம். அதுவும், நீங்கள் அடிக்கடி போனை மாற்றுபவராக இருந்தால் பெரிய பாவக்காரர். ஏன்? ஒவ்வொரு செல்பேசி தயாரிப்பிற்காகவும் சுமார் ஆயிரக்கணக்கான மரங்கள் வெட்டப்படுகின்றதாம். அதை தவிர்க்கவேண்டி, மறுசுழற்சி செய்யப்பட்ட பிளாஸ்டிக்குகளை மட்டும் கொண்டு உருவாக்கப்பட்டதுதான் இந்த புது சோனி எரிக்ஸன் போன் - Sony Ericsson Aspen™ GreenHeart™. இதைச்செய்வதினால், 13,000 மரங்கள் (உலகின் 15%) வெட்டாமல் காக்கப்படுமாம்!

தயவுசெய்து படித்த பிறகு மறவாமல் வாக்களிக்கவும் :)

பகுதிநேர வேலைவாய்ப்புக்கள் - Corporate Trainer!

2010-04-26T19:33:00.000-07:00

நீங்கள் சாப்ட்வேர் இன்ஜினியரா? ப்ரொபஸரா? அத்தோடு பகுதிநேர வேலைவாய்ப்புக்களில் விருப்பம் உள்ளவரா? அப்படியென்றால், கீழே படியுங்கள்:

சென்னையில் உள்ள ஒரு கார்ப்ரேட் பயிற்சி நிறுவனம் ஒன்றிற்கு கீழ்கண்ட தொழில்நுட்பங்களில் மற்றவர்களுக்கு பயிற்சி தருவதற்கு பகுதிநேர பயிற்சியாளர்கள் (Corporate Trainers - Part Time) தேவை.

தொழில்நுட்பங்கள்:

* .NET 2.0/3.5 + Sql Server
* Java/J2EE + RDBMS Concepts
* Mainframe Applications
* Oracle
* BI Tools - Cognos, Informatica

பயிற்சி நேரங்கள்:
* Weekends/Weekdays - Convenient Timings

சம்பளம்:
* Decision as per their company

விருப்பமுள்ளவர்கள் என்னுடைய tamilpoo @ gmail.com மின்னஞ்சலில் பெயர்,கற்றுத்தர விரும்பும் தொழில்நுட்பம், பயிற்சிநேரம் ஆகியவற்றோடு தொடர்பு கொள்ளவும். நாளை(28/04/2010)க்குள் நேர்முகத்தேர்வுக்கு வரமுடியுமா இல்லையென்றால் வரும் சனிக்கிழமையில் நேர்முகத்தேர்வில் கலந்துகொள்ளமுடியுமா? என்பதையும் குறிப்பிடவும். மின்னஞ்சலில் நிறுவனத்தின் தகவல்களைப்பற்றி தெரிவிக்கிறேன்.

மீண்டும் பார்ப்போம்...:)

ரியல் எஸ்டேட் கண்காட்சியும், சாலமன் பாப்பையாவும்!

2010-02-21T10:20:00.000-08:00

CREDAI அமைப்பை சேர்ந்த தமிழக ரியல் எஸ்டேட் அதிபர்கள், இந்த வாரம் தங்களுடைய ப்ராஜக்ட்கள்(கட்டிடங்கள்) பற்றிய கண்காட்சியினை சென்னை நந்தம்பாக்கம் Chennai Trade Center-ல் நடத்தினார்கள். கடைசி நாளான இன்று போன போது செமத்தியான கூட்டம்.

(நன்றி அக்‌ஷயா ஹோம்ஸ்)

காரணம் - Affordable வீடுகளல்ல, சாலமன் பாப்பையா! ‘தனி வீடா அல்லது தொகுப்பு வீடா (வாங்குவதற்கு எது சிறந்தது?)’ என தங்கள் வழக்கமான பட்டிமன்றக்குழுவினரோடு (ராஜா,பாரதி பாஸ்கர், மேலும் நால்வர்) வந்திருந்தார். தெரிந்த தீர்ப்பைத்தான் சொல்லப்போகிறார் என்றாலும், பாப்பையாவுக்காக நிறைய பேர் அமர்ந்திருந்தார்கள்.

ஸ்டார் பேச்சாளர்களான ராஜாவும், பாரதி பாஸ்கர் பேசியது கடைசியில்!

ராஜா வாதாடியது தனி வீட்டுக்காக - “தனிவீடுனா, ஒரு Privacy இருக்கும், முழு உரிமை (தரையும் என்னது, கூரையும் என்னது) இருக்கும்.தொகுப்பு வீடுகளில், பக்கத்து வீட்டுக்காரர்கள் பெரும்பாலும் வம்புக்காரர்களாக இருப்பது, ஒரு வீட்டில் இருக்கும் குழந்தைகளின் விளையாட்டுச்சத்தம் அருகாமையில் இருக்கும் வயதானவர்களுக்கு தொல்லையாய் இருப்பது” இப்படி சில விஷயங்களைக்குறிப்பிட்டார். ”நான் மூன்றாவது மாடியில் தொகுப்பு வீட்டில் இருக்கிறேன். வசதியிருந்தால் தனி வீடு வாங்கி செட்டிலாகுங்கள்” என்று முடித்துக்கொண்டார்.

அடுத்து பாரதி பாஸ்கர், தொகுப்பு வீட்டைப்பற்றி ”Affordability,Security" என்று குறிப்பிட்டார். வருவாய்க்கு ஏற்ற வாங்கும் திறன் உள்ள மேல்நடுத்தர வர்க்கத்தினர் ஒருவருக்கு தொகுப்பு வீடுதான் ஏற்றது. அக்கம்பக்கத்தினர் இருப்பதால் பயமில்லாமலும் இருக்கலாம். தன் வயதான பெற்றோர்களை கவனிக்க இயலாமல் இருப்பதற்கு காரணம், பெற்றோர்கள் தனிவீட்டில் இருப்பதுதான் என்றும் சொன்னார். ஊருக்கு வெளியில் எங்கோ தனி வீடென்று எடுத்தால், அண்டைவீட்டுக்காரர் எனப்படுபவர் பல கிமி தொலைவில் இருப்பார். அதனால், பலமுறை யோசித்து தொகுப்பு வீடு வாங்கிக்கொள்ளுங்கள். இப்படி சில கருத்துக்களைச்சொன்னார்.

சரி அடுத்து தீர்ப்புதான் என்று எல்லோரும் நிமிர்ந்து உட்காரும் சமயம். செக்ரட்டரி மைக்கில் குறுக்கிட்டார். “குறுக்கிடுவதற்கு மன்னிக்கவும், ஒரு இரண்டு நிமிடத்திற்கு பிறகு தீர்ப்பைத்தருமாறு, நடுவரிடம் வேண்டுகிறோம்” என்று சஸ்பென்ஸ் வைத்தார்.

பெரிய கேக்கோடு வந்து மேடையேறினார்கள் மாடல் பெண்கள். பாரதி பாஸ்கர்தான் உண்மையைச்சொன்னார். “நடுவர் பாப்பையா அவர்களுக்கு நாளை பிறந்தநாள். இது அவருக்கு மேடையுலகில் பொன்விழா ஆண்டு. மேடைகளில் பேச ஆரம்பித்து ஐம்பது வருடங்கள் ஆகின்றன” என்றார். பிறகு, சம்பிரதாயத்திற்கு கேக் ஊட்டல், பொன்னாடை போர்த்துதல், நினைவுப்பரிசு வழங்குதல்,பார்வையாளர்களும் தனித்தனியாய் போய் வாழ்த்து சொல்லுதல் என்று கொஞ்ச நேரம் பட்டிமன்றத்தையே மறந்துவிட்டார்கள்!

அதற்கப்புறம் பட்டிமன்றத்தை மீட்டெடுத்தது, பாப்பையாதான். ”வருவாய்க்கு மீறி பணம் செலவிட்டு ஊருக்கு வெளியில் தனி வீடு வாங்குவதை விட நகர்ப்புறத்திலேயே தொகுப்பு வீடுகளில் இருப்பது பாதுகாப்பானது மற்றும் சிறந்தது” என்று அறிவித்தார்.

சரி, கண்காட்சியில் வீடெல்லாம் எப்படி என்கிறீர்களா? அடப்போங்கங்க..
சிட்டியிலிருந்து 2 மணி நேரத்திலில் இருக்கிறது இந்த இடம், வெறும் 15-தான் என்கிறார்கள். இப்படி சொன்னதும், எனக்கு சொல்லத்தோன்றியதெல்லாம் இதுதான் - ”சிட்டியிலிருந்து 8 மணி நேரத்தில் எங்க மருத ஊரே வந்துடுமேப்பா??!!”.

அடையார் காந்திநகர் வீடென்றால், எக்கச்சக்க டப்பும் உடையார்! மைலாப்பூரில் ஒரு சதுர அடி 13500/- விலை போகிறது. சிறுசேரி, டைடலைக்காரணம் காட்டி, திருவான்மியூர், வேளச்சேரி, பள்ளிக்கரணை(Most Polluted Place), மடிப்பாக்கம் (ஜாக்கிரதை - மழைதண்ணீர்), மேடவாக்கம், சோழிங்கநல்லூர் ஆகிய இடங்களில், விலை தாறுமாறாகிறது.

இந்தப்பக்கம், ராமாபுரம்,வளசரவாக்கம்(சென்னையின் 7வது அதிகவிலைபோகும் இடம் என்று எங்கோ படித்தது), போருர்,அய்யப்பந்தாங்கல், மௌளிவாக்கம்,பூந்தமல்லி,அதையும்தாண்டி... என சென்னை மாநகரம் இன்னும் இன்னும் விரிவு பெறுகிறது. ரியல் எஸ்டேட் காளைக்கு கடிவாளம்(from Govt) தேவை!

சிட்டியிலிருந்து (பூந்தமல்லியிலிருந்து) வெறும் 30 கிமி தொலைவில் ராஜீவ் நினைவிடத்திற்கு அருகாமையில் 750 சதுர அடி, இரண்டு படுக்கையரை கொண்ட வீடு வெறும் 14.7L க்கு, ஒரு இடத்தில் தருகிறார்கள்.. அதுதான் பரபரப்பான பேச்சே!

எதிர்காலத்தில் அந்தப்பகுதியில், விமான நிலையம் வரப்போகிறது என்றும், இல்லை அந்த பிளான் dropped என்று இரு வேறு தகவல்கள் கசிகின்றன...

Price - is What you pay,
Value - is What you get
வாரன் பப்பெட்

கண்காட்சியில் படித்தது!

இதென்ன இது புது வில்லங்கம் (இதப்படிங்க)
--o0o--

நகரும் அதிசய கற்கள் - அதிசய இயற்கை நிகழ்வுகள்-1

2010-02-06T23:44:00.000-08:00

வீடு கட்டப்பயன்படும் ஒரு அஸ்திவாரக்கல்(குண்டுக்கல்) அளவுள்ள ஒரு பாறை தானாக சமதள மணலில் நகர்கிறது, பெரிய தடத்தோடு! மனிதர்களோ மிருகங்களோ அதை நகர்த்தியதற்கான தடங்கள் எதுவுமே இல்லை..

Racetrack Playa - பாலைவனம்போல வறண்ட ஏரி. வட அமெரிக்காவின் கலிபோர்னியா மாகாணத்தில் மலைப்பிரதேசங்களில் இருக்கின்றது(Panamint Mountains in Death Valley National Park, Inyo County, California). இங்கேதான், சின்னக்கற்கள் மற்றுமின்றி கால்பந்து அளவிலான கற்கள் கூட தானாக நகர்வதை, இயற்பியல் விஞ்ஞானிகள் வியப்புடன் பார்க்கிறார்கள்..

சிறு சிறு குழுக்களாக இரவு பகலாக ஆராய்ந்ததின் பலனாக மர்மத்தை விடுவிக்கமுடிந்தது.. கற்கள், பனிக்கட்டிகளின் உதவியினால் காற்றில் மட்டுமே நகர்கிறது என்று !!!

காற்றிலா ????!!!
(ரொம்ப அரிதான) பல கிலோமீட்டர்/நொடி வேகத்தில் காற்று பலமாக ஒரு சிறு கல்லில் ’மோதினால்’ மட்டுமே, அது தன்னிச்சையாக சில அங்குலம் நகர வாய்ப்புக்கள் உள்ளன. அதுவே, (மிதக்கும்)பனிக்கட்டியில் கட்டுண்டு நீரில் இருந்தால், சுலபமாக நீரில் பனிக்கட்டியுடன் சேர்ந்து நகரும்.எவ்வளவு பெரிய கல்லாகயிருந்தாலும்! எப்போவாவது பெய்யும் மழையால் தோன்றும் கொஞ்ச நீர், குளிர் காலத்தில் அரையும்குறையுமாக உறைந்திருக்கும்.

கீழே பாருங்கள்:
http://geology.com/articles/racetrack-playa-sliding-rocks.shtml

இப்படித்தான்:

காற்று, நீர், பனிக்கட்டி, நகருதல் - இதுதான் ரகசியம்!

ஆதாரம்:
http://geology.com/articles/racetrack-playa-sliding-rocks.shtml
http://www.physicsforums.com/archive/index.php/t-60676.html
http://www.physicsforums.com/showthread.php?t=60676

சில படங்கள்:
http://upload.wikimedia.org/wikipedia/commons/c/c7/Racetrack_Playa_(Pirate_Scott).jpg
http://runner.coleskingdom.com/pics

சில வீடியோக்கள்:
http://www.youtube.com/watch?v=yOEiuB7P7yk
http://www.youtube.com/watch?v=tHJKKdEo8TQ
http://www.youtube.com/watch?v=Kgy9HMMcstI

”வாழ்க்கை என்பது குறைவான தகவல்களை வைத்துக்கொண்டு விரைவாக முடிவெடுக்கும் ஒரு கலை” - எங்கேயோ படித்தது.

கருத்துக்களை கீழே சொல்லுங்க !!!

தகுதி !!! (ஒரு பக்கச்சிறுகதை)

2010-02-02T18:57:00.000-08:00

”இண்டர்வியூவாய்யா இது! சுத்த கண்துடைப்பு. எம்மெஸ்ஸியில கோல்ட்மெடல் வாங்கிருக்கேன்.. எனக்கு கிடைக்கலனுகூட வருத்தப்படல.. ஊர்ல கந்துவட்டி, கட்டப்பஞ்சாயத்து,போலீஸ் கேசு-னு இருந்தவனையெல்லாம் வேலைக்கு சேர்த்திருக்காய்ங்க.. அதுவும் ஒரு மேளாளர் பதவிக்கு! உலகம் எப்படியெல்லாம் போகுது பாரு!” - உள்ளே நுழைந்துகொண்டிருந்த சண்முகராஜன் காதில் அவர்கள் பேசிக்கொண்டிருந்தது விழுந்தது.

நேரே பத்மநாபனிடம் வந்தார். இருவரும் அந்த பி.எஸ்.கன்ஸ்ட்ரக்‌ஷன்ஸ் நிறுவனத்தின் நிறுவனர்கள் மற்றும் பங்குதாரர்கள். “என்ன பத்மநாபன், அந்தப்பசங்களையும் புடிச்சிப்போட்டுடவேண்டியதுதானே! சும்மா புலம்பிக்கிட்டேருக்கானுங்க!”

”சண்முகம், இந்த கம்பெனியை எதற்காக ஆரம்பிச்சோம்னு சொல்லுங்க பார்ப்போம்!”

“வீடே இல்லாமல் இருக்கிற நகர மக்களுக்கு குறைந்த விலையில் மனை வாங்கித்தர்றதுக்காக...” சொல்லிக்கொண்டிருக்கும்போதே மறுத்து, “அது மத்தவங்களுக்கு! நான் கேட்டது, உண்மையான காரணம்!”

மெல்லிய குரலில் சண்முகராஜன், “என்ன.. எல்லார்ட்டையும் வாங்கின பணத்தை ஆட்டைய போடுறது.. எங்கையாவது தலைமறைவா ஆகிடறது.. இதுதானே! அதுக்கும் இதுக்கும் என்ன சம்பந்தம்!” என்று கேட்டார்.

“கரெக்ட். நாம ஓடப்போறது உறுதி. அதுக்கு ஏன் இந்த அப்பாவிப்பசங்கள் பலிகடா ஆக்கணும். நாம ஆட்டையப்போட்டு கம்பி நீட்டிட்டா, மக்களிடமும் போலிசிடமும் மாட்டிக்கொண்டு அடிவாங்கிறது, காந்தியோ, நேருவோ இல்ல! அப்புறம் இன்னுமொரு திருத்தம். நாம ஆட்டைய போடப்போறது உழைத்துக்கிடைத்த வெள்ளைப்பணத்தையல்ல!”

நேர்முகத்தேர்வுகளில் சமீபகாலமாக.. !!!

2010-02-01T08:14:00.000-08:00

நேர்முகத்தேர்வுகளில் சமீபகாலமாக.. !!!

நீண்ட நாள் பிரம்மச்சாரிக்கு பெண் கிடைத்தால், அதுவும் லட்சணமான பெண் கிடைத்தால் என்ன ஆகும்? கூட்டம் பிய்த்துக்கொண்டு போகும் இல்லையா? அதுமாதிரிதான் இருந்தது சமீபகாலமாய் நேர்முகத்தேர்வுகளுக்கு வருகிற கூட்டத்தைப்பார்த்தால்!

ஒரு விஷயத்தில் மகிழ்ச்சி என்றாலும் (பின்னே? போட்டியில்லாமல் வெற்றி பெற்றால் சுவாரஸியமில்லையே!) இன்னொரு பக்கம், பெரிய கேள்விக்குறி! 2-3 வருடங்கள் மிகுந்த அனுபவம் உள்ளவர்களின் எண்ணிக்கையே இவ்வளவு அதிகம் என்றால், தற்பொழுதுதான் முடித்துவிட்டு வருகிறவர்களின் எண்ணிக்கை கிட்டத்தட்ட லட்சக்கணக்கில் இருக்கும் இல்லையா (பொறியியல் + பிற கணினி பட்டதாரிகள்)? அவர்களுக்கெல்லாம் வேலை எங்கிருந்து?

நான் சென்றது ஒரு பன்னாட்டு நிறுவனம். எதிர்பாராமல் வந்த பெரிய கூட்டத்தை எதிர்கொள்ளமுடியாமல் திண்டாடினர். காலையில் 9 மணிக்கு சென்ற என்னை முதல் சுற்றுக்கு அழைக்கப்பட்டது மாலை 6 மணிக்கு!!!
* * * * * * * * * * * * * *
யாரடி நீ மோகினி படத்தில் ஒரு சிறு தவறு!

கருணாஸ்-ஐ விட்டு நயன்தாராவிடம் தன் காதலை சொல்லச்சொல்வார் தனுஷ். கருணாஸ் பயந்துபயந்து கால் பண்ணுவார். நயன்தாரா எடுத்து பேசுவார். இரு பக்கமும் காட்டப்படுகிற இந்தக்காட்சியில், கருணாஸ் மற்றும் தனுஷ் இருக்கும் பகுதி நன்றாக இரவுபோல இருட்டியிருக்கும். ஆனால், நயன்தாரா பகலில்தான் பதிலளிப்பார். சரி இதையாவது பாவம் விட்டுவிடுவோம், ஒரு பெரிய படத்தில் ஒரு தவறு தெரியுமா?
* * * * * * * * * * * * * *
2012 படமும் சுனாமித்தவறும்

நிஜமாகவே மிரட்டியிருந்தார்கள் உண்மையைப்போலவே! இமயமலை-சுனாமி காட்சி திகிலை உண்டாக்கியது.. எங்கே போனாலும் துரத்தும் நாய்குட்டிபோல ஒரு பூகம்பக்குட்டி(!) விடாமல் துரத்துகிறது. ஹைதியை உலக அழிவின் ஆரம்பமாக கூட பயந்துகொண்டு பார்ப்பார்கள். ஹைதி சம்பவம் ஒரு போராயுதமாக இருக்குமோ என்று சந்தேகிக்கிறார்களாம் என்று ஒரு பதிவர் எழுதியிருந்தார்.

இவ்வளவு துல்லியமாக பண்ணியிருக்கிறவர்களின் கண்களுக்கு இந்த சிறிய தவறு தெரியாமல் போனது ஆச்சரியம்.. கடலில் அலைகள் தோன்றும் இடங்களில்தான் சுனாமியின் பாதிப்பு அதிகமாக இருக்கும். நடுக்கடலில் அலைகள் இல்லை! அதனால் சுனாமியின்போது (நடுக்)கடல்மட்டம் சற்றே உயர்ந்து இறங்கும் அவ்வளவுதான். அந்தசமயங்களில், கப்பல் இருந்தாலும் கவிழாமல் உயர்ந்து பின் இறங்கும். புரட்டிபோடாது!
* * * * * * * * * * * * * *
அய்யகோ இந்த சென்னை ஆட்டோக்காரர்கள்
சென்னை வந்தகாலத்திலிருந்து, பெரும்பான்மையான ஆட்டோக்காரர்களின் மீதுள்ள பொதுவான மதிப்பீடுகளான அடாவடிக்காரர்கள், ஏமாற்றுக்காரர்கள், அதிகம் வசூலிக்கிறவர்கள் ஆகியவை மாறாமல் அப்படியே இருக்கிறது. போனவாரம், திநகரிலிருந்து, பெரியார்பாதைக்கு பதில், பெரியார் ரோடு என்று ஒரு இடத்தில் இறக்கிவிட்டு, அடாவடியாகப்பேசி காசும் வாங்கிச்சென்றார் ஒரு ஆட்டோக்காரர். அப்புறம் எங்கிருந்து நல்லமதிப்பு வரும்?

அதையும்மீறி சிலர் இருக்கிறார்கள், ராமாபுரத்திலிருந்து வரும் திருக்குறள் ஆட்டோ. சைதையில் இவரை அடிக்கடி பார்க்கலாம். ஆட்டோ முழுவதும் தினம் தினம் ஒரு குறள், அதன் பொருள், நாலடியார், எல்லாம் எழுதிவைத்திருப்பார்.

மற்றொருத்தர், தனக்கு ஒரு வலைப்பக்கம் வைத்துள்ளார். அவருடைய தளம் இங்கே. நல்ல உழைப்பாளியான இவருக்கு நிறைய (வெளிநாட்டு) வாடிக்கையாளர்கள் உண்டு. இவருடைய சேவையை புரிந்துகொண்டு நண்பர்களானவர்கள்தான் இவருக்கு வலைதளம் வடிவமைத்து, ஒரு மடிக்கணினியும் கூட வாங்கிக்கொடுத்துள்ளார்கள். சென்னைக்கு வருவதற்கு முன் மின்னஞ்சலில் தெரிவித்துவிட்டால், இவர் அவர்களின் வருகைகளுக்காக தயாராக இருப்பார். படித்தது பள்ளிக்கல்வி வரைதான் என்றாலும், வாடிக்கையாளர்களுக்காக ஆங்கிலம் பேசக்கற்றுகொண்டிருக்கிறார். தொலைதூர பயணத்திற்கு மீட்டர் போடுவது என்பது இவருடைய ஸ்பெஷாலிட்டி. மீட்டர் பற்றி யாராவது மற்ற ஆட்டோக்காரர்களை கேட்டுப்பாருங்கள்.. உங்களை அவதார்(வேற்றுக்கிரகவாசி) ரேஞ்சுக்கு மேல்கீழ் பார்ப்பார்கள்.
* * * * * * * * * * * * * *

வேரறுந்த மரங்கள்... (சிறுகதை)

2009-12-05T04:43:00.000-08:00

"எத்தனை கன்னு சார் எடுக்கப்போறோம்?"

"அம்பது கன்னு பாலு"

ஒரு மரம் நடும் விழாவிற்காக வேளச்சேரி நர்ஸரியிலிருந்து செடிகள் எடுக்க போய்க்கொண்டிருக்கிறோம்...நான் போயிருந்த பஸ்சின் டிரைவர்தான் பாலு.

பேருந்து பல நிறுத்தங்களை கடந்து சென்றுகொண்டிருந்தபோது, இன்று காலை, அம்மா சொன்னது மட்டும் அடிக்கடி காதில் ஒலித்துக்கொண்டிருந்தது...

"படிப்பு முடிஞ்சு ஒரு வருஷம் ஆகப்போகுது...உனக்கும் காலாகாலத்துல கல்யாணம் முடிக்கணும். உனக்கு கீழ ரெண்டு தங்கச்சிங்க இருக்காங்க அவங்களுக்கு ஒரு கல்யாணங்காட்சி பண்ணனுங்கிறத மறந்திடாத ஆமா. இப்படி 'சேவை சேவை'னு சுத்திக்கிட்டிருந்தா என்னைக்கு வேலைக்குப்போறது...?"

என்ன செய்வது? வாழ்க்கையும் வயதும் ஓடிக்கொண்டிருக்கிறது...

"என்ன யோசனை சார்?" பாலு கேட்டதும் நினைவு வந்தது.

"ஒண்ணுல்ல பாலு. உங்களுக்கு நர்ஸரி இருக்கிற இடம் தெரியுமா?"

"தெரியும் சார். செக்போஸ்ட் முன்னால் இருக்கு சார்.பஸ் உள்ளே போகமுடியாது. வெளியிலிருந்துதான் எடுத்துக்கணும்."

கொஞ்சம் அமைதியானவர்,

"எந்த ஊர் சார் நீங்க?"

"நான் மதுரைப்பக்கம் பாலு...நீங்க..?"

"சிதம்பரம் சார். ரொம்ப நாளுக்கு முன்னாடியே சென்னைக்கு வந்தாச்சு. என் மச்சானும் இங்கதான் டிராவல்ஸ் வச்சிருக்கான்... ரெண்டு கார் இருக்குங்க சார். செம காசு சார்"

"பரவாயில்லையே... என்ன வச்சிருக்கார் குவாலிஸா?"

"இண்டிகா சார்...குவாலிஸுக்கு காசு கிடையாதுன்னான். சிக்கிரமே அதுவும் எடுத்துறுவான்."

சட்டென அமைதி நிலவியது.காரணம் நர்ஸரி வந்திருந்தது.

ஒரு சின்ன வாயிலோடு அது இருந்தது...ஒரு சின்ன கார் போகலாம்போலிருக்கிறது. ஆனால் பஸ் போக வாய்ப்பு இல்லை.

"நீங்க போய் பாத்துட்டிருங்க சார். நான் வண்டிய வாசல்ட்ட நிறுத்திட்டு வர்றேன்"

ஒரு ஒழுங்கோடு வரிசையாக எல்லா கன்றுகளும் அடுக்கிவைக்கப்பட்டிருந்தது. நன்றாக வளர்ந்திருந்த மரங்கள் காற்றில் அசைந்து இருப்பை உணர்த்தின.

கூலியாள் ஓடிவந்தான், "என்னங்க வேணும்?"

"எங்களுக்கு 50 கன்னு மரம் நடுறதுக்காக வேணும்னு கேட்டிருந்தோம். இங்க வந்து எடுத்துக்கச்சொன்னாங்க. உங்க பேர்தான் சகாயம்ங்களா?"

"ஆமா சார். ஆபிஸர்ட்டருந்து ஆர்டர் வாங்கிருக்கீங்களா?" ஆர்டரைக் கொடுத்தவுடன், "வாங்க சார். எடுத்துத்தர்றேன்" என்று முன்னே நடந்தான் சகாயம்.

"நல்லா நிழல் தர்ற செடி தாப்பா"

"தர்றேன் சார். இதை பாருங்க?"

"பாலு இது நல்லா நெழல் தருமா பாருங்க"

"இது சவுக்கு கன்னு, வேணாம் சார் வேஸ்ட்டு. புங்கையோ வேப்பமரமோ இருந்தா பார்க்கலாம் சார். நல்ல நெழலும் தரும்,குளிர்ச்சியாவும் இருக்கும்...ஏங்க புங்கை வச்சிருக்கீங்களா"

"புங்கையெல்லாம் இருக்காதுங்க வேம்பு தர்றேன். நல்லா நெழல் கெடைக்கும்" என்றான் சகாயம்.

ஏதோ சிந்தனையிலிருந்த பாலு, "விலைக்குன்னா எவ்ளோ ஒரு கன்னு?"

"நுப்பது சார்.இப்போ இருக்குற ஆபிசரு கண்டிப்பானவரு சார். அதான் இல்லாட்டி நானே போட்டுக்கொடுத்துடுவேன். விலைக்கு எடுக்குறதாருந்தா சொல்லுங்க பண்ணிக்கொடுத்துர்றேன்"

"எனக்கு வேணும்பா. வேப்பங்கன்னு ஒண்ணு குடுத்துரு.முப்பது ரூபா தர்றேன்" பாலுவை ஆச்சரியமாக பார்த்தேன்.

"அது எங்கம்மாவுக்கு சார்...செடி வளக்குறதுனா அவ்ளோ உயிர் அவங்களுக்கு"

"அப்பிடியா. பரவாயில்லையே...ஆனா வேம்புதான் ரொம்ப சுலபமா கெடைக்குமே ஏன் காசு கொடுத்துவாங்கணும்?"

"ஒரு சின்ன சந்தோஷம்தான் சார்... வர்ற வருமானம் நமக்கே சரியா இருக்கு... வீட்டுக்கு எதுவும் அனுப்பமுடியல. அப்பப்போ இதமாதிரி ஏதாவது செஞ்சாதான் ஆறுதலா இருக்கு"

"இவ்ளோ தெளிவா சிந்திக்கிறீங்க...ஏன் சொந்தமா டிராவல்ஸ் வச்சுக்கக்கூடாது?"

"பண்ணணும் சார். ரெண்டு மூணு வருஷம் போகட்டும்னு இருக்கேன். மொதல்ல நிறைய்ய கத்துக்கணும். பொறுப்பு எடுத்துக்கும்போது என்னன்ன சிக்கல் வரும்னு தெரியவேண்டாமா?"

ஒரு பெருமூச்சுடன் மேலும்,

"படிச்சிருந்தா உங்கள மாதிரி ஆபிசரா ஆகியிருந்திருக்கலாம். படிப்பு ஏறல. பாதிலயே கார் ஓட்ட வந்துட்டேன். படிப்பு ஒரு நிழல் மாதிரி சார். எப்பவும் கூடவே இருக்கும். என்னை நினைச்சுக்கிட்டா நிழல் இல்லாத மரம்தான் ஞாபகம் வருது. .."

சகாயம் ஓடி வந்தான்...

"சார் எல்லா செடியும் ஏத்தியாச்சு. இதுல ஒரு கையெழுத்து போட்டிருங்க"

"பாலு வண்டிய திருப்பிட்டு வாங்க"

தனது இருக்கையில் அமர்ந்த பாலு திரும்பிப்பார்த்தார்.

பஸ்சுக்குள் ஒரே செடி மயம். மண்வாசனை வேறு. புதிதாக பிறந்ததுபோன்ற ஒரு உணர்வு தோன்றியிருக்கவேண்டும்...

டிரைவர் பாலு, கிடைத்த ஒன்றிரண்டு இலை இடைவெளிகளில் முகம் காண்பித்து என்னை நோக்கி குழந்தைமாதிரி சிரித்தார்...

படிப்பு, நிழல் போல என்பது உண்மைதான். ஆனால் நம்பிக்கை மரத்திற்கு வேர் போன்று முக்கியமானது...

என்றாவது வெற்றியடைவேன் என்று சொல்லாமல் சொல்லிய அவர் சிரிப்பிலிருந்து, எனக்குள்ளும் ஒரு புதிய மனிதன் பிறந்திருந்தான்...

(மீள்பதிவு - நன்றி)

Photo Courtesy: freedigitalphotos

இல்லாதவங்க இருந்தா என்ன, இல்லாட்டி தான் என்ன...

2009-11-28T03:19:00.000-08:00

கெமிஸ்ட்ரியே இல்லாத பொருள்

”கெமிஸ்ட்ரியே இல்லாத பொருள் உலகத்துல எது அத்தான்? எங்க மாஸ்டர் கேட்டார்.. எங்க யாருக்கும் தெரியல” என்றாள் பத்தாம் வகுப்புக்கு போகும் கஸின்...

”ஒருவேளை, கலா மாஸ்டர் சுந்தரம் மாஸ்டர்-லாம் கெமிஸ்ட்ரியே இல்லை கெமிஸ்ட்ரியே இல்லை-ங்கிறாங்கில்லையா. அதாயிருக்குமோனு சொன்னேன்.ஆனா அதுவும் இல்லையாம். அதான் உங்களை கேட்கச்சொன்னேன்..” என்றாள் என் மனைவியும்.

”கெமிஸ்ட்ரி இல்லாத பொருள் எதுவுமேயில்லை” என்றேன். அதேமாதிரி, பிஸிக்ஸ் இல்லாத பொருளும் உலகத்தில் இல்லை. ஒரு கல் சும்மா அசையாமல் இருத்தலும் ஒரு இயக்கமே எனறு படித்திருக்கிறோம் இல்லையா.

_________________________________________________________________________________

கொசு, கோழி, ஆடு - ஆவி ????

தெரியாமல்தான் கேட்கிறேன்.. மனிதனுக்கு மட்டும்தான் ஆவியா? மற்ற உயிரினங்களுக்குக்கிடையாதா? தினம் தினம் நூற்றுக்கணக்கில் கொசுக்களை கொன்று குவிக்கின்றோம்.. அதன் ஆன்மாவெல்லாம் உடனேவுடனே அமைதியாகிவிடுகின்றதா?

சிக்கன் மட்டனெல்லாம் ஒரு புடி புடிக்கிறோமே... அவற்றின் ஆவி எல்லாம் கசாப்புக்கடைக்காரனை ஒன்றும் செய்வதில்லையா..

சும்மா சும்மா யோசித்தால் இப்படியெல்லாம் தோன்றுகிறது.. விவரம் தெரிந்தவர்கள் விளக்கினால் உபயோகமாக இருக்கும்..

ரொம்பநாட்களுக்குமுன் படித்த சிறுகதை(கதை: சுஜாதா ??) ஞாபகம் வருகிறது..

ஒரு பெண் திருமணமாகி புகுந்தவீடு போகிறாள். அவளோடு அந்த வீட்டில் வளர்ந்த வெள்ளைக்குதிரையும் சீதனமாக அனுப்பப்படுகிறது.. ஏதோ ஒரு கோபத்தில், அந்தக்குதிரையை கொன்றுவிட்டு, வேறு ஒரு பழுப்புக்குதிரை வாங்கிக்கொள்கிறான் கணவன். செத்த குதிரையின் ஆவி, இந்தப்பெண்ணுக்குள் புகுந்துகொள்ள பேசும்போதெல்லாம், அசாதாரணமாக குதிரைகணைப்புகளும் அவளிடமிருந்து வருகிறது.. புதிய ப்ழுப்புக்குதிரைக்கும் திடீரென கால்கள் வெள்ளையாக மாறிக்கொண்டேயிருக்கின்றது..

எதனால் இப்படி என்று பார்த்தால், அந்தபொல்லாத கணவனுக்கு கள்ளக்காதலிகள் தொடர்புண்டு. தன் எஜமானிக்கு துரோகம் செய்கிறானே என்ற கோபத்தில், பழைய குதிரை அந்தமாதிரி இடங்களுக்கு வர அடம்பிடித்ததால் அதனை கொன்றிருக்கின்றான். புதிய குதிரையும் தான் போகக்கூடாத இடங்களுக்கெல்லாம் போவதற்கு வருந்தியதால், அதன் கால்கள் வெள்ளையாக மாறியது..

இறுதியில், இவளுக்கு கணைப்பு அதிகமாகி உணவில் விஷம் வைத்து கணவனை கொல்வதாக கதை முடியும்.

_________________________________________________________________________________

”இல்லாதவங்க இருந்தா என்ன, இல்லாட்டி தான் என்ன...”

இந்தியன் படத்தில் வரும் ஒரு வசனம் இது. ஏழைகளின் உயிர் எவ்வளவு சாதாரணமாக போய்விட்டிருக்கிறது பாருங்கள்? மனதை பாதித்த வசனம் இது.

_________________________________________________________________________________

ஒரு புதிர்

3 லி. அளவு குவளை ஒன்றும், 5 லி. குவளை ஒன்றும் உங்களுக்கு தரப்படுகிறது. இவற்றை மட்டும் பயன்படுத்தி, சரியாக 4 லிட்டர் தண்ணீர் எடுக்கவேண்டும்.. வேறெந்த குவளையும் கிடையாது.. எப்படி??

_______________________________________________________________________________

தழுவாத கனவுகள்.. (ஒரு சிறிய கவிதை முயற்சி)

2009-11-17T10:01:00.000-08:00

ஓசையின்றி
நகர்கின்ற
நிகழ்கால
வாழ்க்கையை,
நனவாய் மாற
அடம்பிடிக்கும்
லட்சியங்களின்
முனகலுக்கிடையே,
இரவின்
தனிமையில்
யோசித்துப்பார்த்தால்,
நிசப்தத்தின்
சப்தம்
காதை அடைக்கிறது...

--o0o0o--

தேடுபொறிகள் (Search Engines) - இனி மெல்ல சாகும்... ????!!!!

2009-11-17T00:16:00.001-08:00

'என்னது ??
நிஜமாவா...
பல்லுவெளக்காம கூட இருந்திருவேன்..
கூகிள்லாம இல்லாம, எப்படி கோடடிக்கிறதாம் ???'

--o0o--

ஆமாம்... புதிய கண்டுபிடிப்புகள் எளிமையாகயும், வசதியாகவும் இருந்துவிட்டால், பழையது மறக்கப்படுகிறது.. இது தொழில்நுட்பத்திற்கும் பொருந்தும்..

இடைக்காலத்தில், அறிமுகமான தேடுபொறிகள், நிஜமாகவே பொறி பறக்கச்செய்தன.. Clustering (வகைப்படுத்துதல்) , Semantic (பொருளுணர்ந்த தேடல்) ஆகிய தொழில்நுட்ப முயற்சிகள் இன்னும் தொடர்ந்துகொண்டேயிருக்கின்றன...

எத்தனை மேம்படுத்தினாலும், இந்த தேடுபொறிகள், ஏட்டுச்சுரக்காய்கள் போலத்தான் இருக்கின்றன... தகுந்த சீட்டை எடுத்துத்தந்து, 'நெல்' வாங்கிக்கொள்ளும் கிளிப்பிள்ளையைப்போல..

நிஜ வாழ்வில் எழுகிற எல்லா கேள்விகளுக்கும் விடைதரும் அளவிற்கு தேடுபொறிகள் முன்னேற்றமடையவில்லை என்பதுதான் பொதுவான கருத்து..

ஒரு உதாரணம்..

தன் வருங்கால மனைவிக்கு முகூர்த்தப்பட்டு வாங்க விரும்பிய ஒருத்தர், தேடுபொறிகளில் திரும்பதிரும்ப தேடி சோர்ந்து போய், ட்விட்டரில், 'பட்டு வாங்கவேண்டும்..' என்று ட்விட்டி (tweet) விடுகிறார்.. அவரை பின்தொடர்ந்த நன்மக்களிடமிருந்து, பல்வேறு ஆலோசனைகள்.. வழக்கம்போல 'தி.நகர் போங்கள்', 'ஈரோடு போங்கள்','காஞ்சி போங்கள்' இப்படி..

மற்றொரு பின் தொடரும் நண்பர், "பெரிய காஞ்சியின் சில இடங்களில், அசல் பட்டு குறைந்த விலையில் கிடைக்கிறது..என்னை அணுகுங்களேன்" என்று சரியாலோசனை சொல்கிறார்.. அவரை அணுகிய இவருக்கு சகாய விலையில் ஒரிஜினல் பட்டு வாங்க சாத்தியமாகிறது..

இதைப்போல, பிற மனிதர்களின் (அனுபவத்) தகவல்கள் தான் நமது அன்றாட வாழ்க்கையில் உதவுகிறது என்பதால், சமூக இணைப்புத்தளங்கள்(Social Networking Sites), தேடுபொறிகளைவிட மென்மேலும் பிரபலமடையும் என கணிக்கப்படுகின்றன..

அதுமட்டுமின்றி, நமது கைப்பேசி ஒன்றே போதும் இதுபோன்ற தளங்களில் எப்பொழுதும் இணைந்திருக்க..!!! இதுவும் இத்தளங்கள் பிரபலமடைய முக்கிய காரணமாகின்றது..

ஆனால்...

கவனம், இம்மாதிரி தளங்களில் சுயதகவல்களை சொல்லாமல் இருப்பதும், தமது செயல்பாடுகளை வெளிப்படுத்தாமல் (உதா. ஊருக்குப்போறேன்,ரெண்டு நாளாகும், சாவியை ஜன்னலில்தான் வைத்திருப்பேன் ) இருப்பதும் உத்தமம்.. அதுவே குற்றங்களுக்கு வழிவகுக்காமல், தொழில்நுட்பத்தின் முழுப்பயனைடைய உதவும்.

பின்செய்தி:

நிறப்போர்...டிசைனர்கள் உஷார்:

'நிறவெறி'க்கான போர் இல்லைங்க.. சாதாரணமான 'நிற'த்திற்கான(Color) போர்தான் !!! எதிர்காலத்தில், கம்ப்யூட்டர் டிசைனர்கள் எல்லா நிறங்களையும் நினைத்தவுடனே பயன்படுத்தமுடியாது.. அவர்கள் பயன்படுத்த ஆசைப்படும் டிசைன்களில் வண்ணங்களை புகுத்தினால், காப்புரிமை பிரச்சனை பாயும்.. உதாரணத்திற்கு, ஆரஞ்சு வண்ணத்தை Orange என்ற செல்போன் சேவை நிறுவனம், காப்புரிமை பெற்றுவைத்திருக்கிறார்கள்.. இதேபோல, அடர்சிகப்பு - Coca Cola, மெஜெண்டா - T Mobile, இப்படி.. ( மேலும் படிக்க, இக்கடச்சூடு)

பாரதம் ஒரு பணக்கார நாடு தெரியுமா?

2009-10-21T10:19:00.000-07:00

உங்களுக்கு நன்கு தெரிந்திருக்கும் நமது பாரதம் வளமான நாடாக ஒரு காலத்தில் இருந்தது.. அந்த வளங்களை பார்த்து ஆசைப்பட்டுதான் நமது நாட்டை கைப்பற்றி அடிமையாக்கினார்கள் ஆங்கிலேயர்கள்.. நம்மை ஆண்டபோது, நம்மிடம் இருந்து, அவர்கள் தங்கள் நாட்டிற்கு திருடிக்கொண்டுபோன செலவங்கள் மட்டுமே - பல ஆயிரம் பில்லியன் பவுண்டுகள் தாண்டும் எனப்படுகிறது.. கீழே உள்ள விஷயத்தை பாருங்கள்.. (தெளிவற்ற படத்திற்கு மன்னிக்கவும்)

ஆதாரம்: மின்னஞ்சலில் வந்த ஒளிப்படம்.

ஆஞ்சநேயரும் அர்ச்சுனரும்...(தெரிந்த கதை?)

2009-10-03T04:16:00.000-07:00

தன் சகோதரர்கள்(கெளரவர்கள்) மேல், கொடிய அஸ்திரங்களைப் பிரயோகிக்க மனமின்றி, பாசுபத அஸ்திரத்தை தேடிக்கொண்டுவர கிளம்பினார் அர்ச்சுனன்.(பாசுபதம் சற்று மயக்கமுறச்செய்யும். அவ்வளவே)

போகிற வழியில் அனுமன் தவம் செய்துகொண்டிருப்பதைக்கண்டார்.

அவரிடம் நக்கலாக,"உங்கள் இராமர் பெரிய வில்லாளி ஆயிற்றே. தான் ஒரே ஆளாக அம்பெய்தே ஒரு பலமான பாலம் கட்டமுடியுமே.. ஏன் குரங்குப்படையை வைத்து கற்களால் கட்டினார்?"

அர்ச்சுனின் கர்வத்தை அடக்கவேண்டும் என்ற கோபம் அனுமனுக்கு உண்டாயிற்று.

"அம்பால் ஆன பலமான பாலத்தை இப்பொழுதே கட்டுக. என் கால்சுண்டுவிரல் பட்டதும் அது சுக்குநூறாகும்"

அர்ச்சுனனும் விடவில்லை. "அப்படிமட்டும் நடந்தால், இங்கேயே வேள்வி ஏற்படுத்தி அதில் என்னை மாய்த்துக்கொள்வேன்" என சூளுரைத்தார்.

"நானும் சொல்கிறேன். அவ்வாறின்றி நான் தோற்றால் உமது போர்க்கொடியில் இருந்துகொண்டு, என் வாழ்நாள் முழுவதும் உமக்கு அடிமையாக இருப்பேன் "

உடனே, நாணில் அம்புகள் பூட்டி எய்து, ஒரு பாலம் உருவாக்கினார் அர்ச்சுனன். எத்தனைகோடி பேரையும் தாங்கும் பலமான பாலமாக அது இருந்தது.

இப்பொழுது, அனுமனுடைய முறை.

"ஜெய்ராம்" என்று இராமனைத் தியானித்ததும் அவர் உருவம் வளரத்தொடங்கியது...
பேருருக்கொண்ட அனுமன் பாலத்தின் மீது கால்வைத்தார்.

அந்தோ...எது நடக்கக்கூடதோ, அது நடந்தேவிட்டது. அனுமனின் கால்பட்டதும் பாலம் சுக்குநூறாகிப்போனது...

அனுமன் வெற்றிக்களிப்பில் ஆடினார். ஒடினார். கூக்குரலிட்டார்..

அர்ச்சுனனுக்கு அதிர்ச்சி... தமது வில் திறமை பொய்த்துவிட்டதே என்ற துக்கம் தாங்கமுடியவில்லை. வேறுவழியின்றி வேள்வி வளர்க்கத்தொடங்கினார்.

"வந்த நோக்கத்தை விட்டுவிட்டு, ஓர் அற்பக்குரங்கிடம் பந்தயம்கட்டி உயிரை விடப்போகின்றேனே... என் அண்ணனின் நிலையையும், என் கடமையையும் மறந்து, கர்வத்தால் மதிமயங்கிப்போனேனே. கண்ணா, என் இறைவா என்ன செய்யப்போகிறேன்" என்று கலங்கினார்.

தீக்குள் அர்ச்சுனன் குதிக்கமுற்பட்டபோது,"என்ன பிரச்சினை இங்கே?" என்றொரு குரல் கேட்டது.

பார்த்தால் ஒரு அந்தணன் நின்றுகொண்டிருந்தான்(அது கண்ணன் தான் என்பதை சொல்ல தேவையில்லை)

பந்தயத்தைப்பற்றி சொன்னார் அர்ச்சுனன்.

"பந்தயம் என்றாலே நடுவர் ஒருவர் வேண்டும். நடுவர் இன்றி நீ எப்படி தோற்றதாக கருதப்படும்?இப்பொழுது நான் நடுவராக இருக்கிறேன். உங்கள் போட்டியை மீண்டும் தொடங்குங்கள்"

போட்டி மீண்டும் தொடங்கியது.

தனக்கு கிடைத்த மறுவாய்ப்பை சரியாக பயன்படுத்த வேண்டும் என்று நினைத்தார் அர்ச்சுனன். கண்ணனை தியானித்துக்கொண்டே மீண்டும் அம்பெய்து ஒரு பலமான பாலம் கட்டினார்.

அனுமன் கவலையே படவில்லை.
தன் பலம்பற்றி தனக்கே தெரியாத சாபம் பெற்றிருந்த அனுமனுக்கு தன் வல்லமை புரிந்தவுடன் கர்வம் வந்திருந்தது...

"இதோ பார்...உன் பாலம் எப்படி நொறுங்கப்போகிறது பார்" என்றபடி பாலத்தின்மீது ஏறி நின்றார்...ஆடினார்...ஓடினார்...குதித்தார்...பாலம் மட்டும் அப்படியே இருந்தது...ஒன்றும் ஆகவில்லை.

"பார்த்தாயா என் மாமனின்(கண்ணன்) சக்தியை? உங்கள் இராமரால்கூட உம்மை காப்பாற்றமுடியவில்லையே" என்று கேலிசெய்தார் அர்ச்சுனன்.

"நிறுத்துக உமது கொக்கரித்தலை. எங்கள் இராமரைவிட உன் கண்ணன் அவ்வளவு பெருமைக்குரியவன் இல்லை"

"யார் பெரியவர் என்று நான் சொல்கிறேன்", திரும்பினால், விஷ்ணு நின்றார்...

"கர்வம் தோன்றும்போது நம் கடமையும் பொறுப்புகளும் மறந்துவிடுகின்றன...ஒரே பரம்பொருளின் இரு அவதாரங்கள்தான் இராமனும்,கண்ணனும்...அப்படியிருக்க இதில் யார் பெரியவன் என்பது அர்த்தமற்ற விவாதம். இருவருடைய பக்தியும் அளவுகடந்தது, சந்தேகமேயில்லை. ஆனால், இறைவன் ஒருவனே என்பதை உணரமறந்துவிட்டீர்கள்"

இருவரும் நெகிழ்ந்து போய் நின்றார்கள்...

”அதுவும் தவிர, அர்ஜூனனுக்கு பாரதப்போரில் அனுமனின் ஆசிர்வாதம் அவசியம் தேவை. அதற்காக அர்ஜூனனின் போர்க்கொடியில் இருந்துகொண்டு ஊக்கமளிக்கவேண்டுமென்பதலால், இந்த சிறு திருவிளையாடல் நிகழ்த்தப்பட்டது..”

“அப்படியே ஆகட்டும் பிரபோ..!!” என்றார் அனுமன்.

பிறகு அனுமன் தான் சொன்னபடி அர்ச்சுனன் போர்க்கொடியில் இருந்துகொண்டு தன் வாழ்நாள்மட்டும் சேவை செய்தார்.

(ஆஞ்சநேயர் புராணத்திலிருந்து) - இது ஒரு மீள்பதிவு சில மாற்றங்களுடன்.

சந்திரனில் தண்ணீர் Vs நிலா Real Estate.

2009-09-25T07:46:00.000-07:00

சந்திரனில் தண்ணீர் கண்டுபிடித்ததை வைத்து ஏகப்பட்ட பரபரப்பு செய்திகள் நாளிதழ்களையும், வலைப்பக்கங்களையும் நிரப்புகின்றன.. ’விண் ஆராய்ச்சி, வீண் செலவு’ என்ற நிலைமைமாறி, இன்னும் உற்சாகமாக இயங்குகிறார்கள் ஆராய்ச்சியாளர்கள்..

விடுவார்களா துட்டு பார்ட்டிகள்?? இப்பொழுதே இடம் வாங்கிப்போடுகிறார்கள் நிலாவில் !!! ஒரு ஏக்கருக்கு $20 மட்டுமாம்!!! அமெரிக்காவில் இயங்கும் Lunar Embassy கடந்த 29 வருடங்களாக நிலவில் நிலம் விற்கிறார்களாம். மேலும் தகவல்களுக்கு, www.moonshop.com போங்க (ஆதாரம் - The Times of India - 30 Sep 2009)

இவர்கள் எல்லாம் ஒன்றை கவனிக்கவேண்டும்...

திரு. மாதவன் நாயர் அவர்களின் கூற்றுப்படி

‘சந்திரனில் தண்ணீர், தண்ணீர் வடிவத்தில் கிடையாது.. மற்ற கனிமங்களுடன் கலந்து தாதுப்பொருளாக உள்ளது.. குறிப்பாக, ஹைட்ராக்ஸிலுடன் சேர்ந்துதான் தண்ணீர் சந்திரனின் நிலத்தில் காணப்படுகின்றது..

சந்திராயன் 1 அனுப்பிய படங்களை பார்த்தால், துருவப்பகுதிகளில் மட்டும் தண்ணீர் படிமங்கள் இருப்பதாகத்தெரிகின்றது..

எதிர்காலத்தில் பூமியில் ஏற்படப்போகும் தண்ணீர் பற்றாக்குறை, வாகன எரிபொருள்(Hydrogen) ஆகியவற்றுக்கு backup ஆக சந்திரன் படிமங்களை பயன்படுத்திக்கொள்ளமுடியும்..’

காற்றுமண்டலம், பிராணவாயு இல்லாத இடத்தில் தண்ணீர் எப்படி வந்தது? சூரிய ஒளிதான் மூலகாரணம். சந்திரனின் நிலப்பரப்பில் பட்டு தண்ணீர் மூலக்கூறுகள் தோன்றுகின்றன.. தொடர்ந்து, அங்கே தண்ணீர் படிமங்கள் இருந்து கொண்டிருக்கக்காரணமும் அதுவே..

மற்றபடி,வாழ்வதற்கான எந்தவொரு அடிப்படையும் இல்லாத (அல்லது லாயக்கில்லாத) இடம் நிலா! ஆம்ஸ்ட்ராங் நிலவிற்கு போனதே இன்னும் சர்ச்சையாகயிருக்கின்ற நேரத்தில், அங்கேயே வாழப்போவதற்கான முயற்சிகள் சில கேள்விகளை எழுப்புகின்றன..

முக்கியமாக, பிராணவாயு இல்லாமல் வாழ மனிதன் என்று பரிணாமமாற்றம் பெறுகின்றானோ அன்றுதான் நிலாவில் வாழ்வது சாத்தியமாகும்.

மனிதகுலத்தில், மின்சாரம் முக்கியக்கண்டுபிடிப்பு. பூமிக்கு இருப்பதுபோல, ஈர்ப்பு விசை நிலவில் இல்லாததால், வேகம் முதலான விசை கிடையாது.. அதனால், மின் தயாரிப்பு கடினமானதாக இருக்கும்.. மின் பாட்டரிகளையும் மாற்றாக பயன்படுத்துவது, பெரிய அளவில் இயலாதது..

ஒரு சிறிய கிராம (Lunar Village) அளவில் உருவாக்கவே கடுமையான முயற்சிகளும் கண்டுபிடிப்புகளும் தேவைப்படும்..

அதுவரை நிலா, ”தெரியாத புதையல்” தான். அதுசரி.. விஞ்ஞானிகள் இதை பற்றியெல்லாம் சிந்திக்காமலா இருப்பார்கள்?

புவியிலேயே வாழத்தகுதியற்ற இடங்களாக துருவப்பகுதிகள் மாறிவருகிறது.. அதை மேம்படுத்த வழியிருக்கிறதா?? பூமிப்பரப்பில் இடப்பற்றாக்குறை ஏற்பட்டால், கடல் பரப்பிலோ, கடலடியிலோ வீடுகட்டி வாழ்வது போல ஏதாவது கண்டுபிடித்தால் தேவலை !!!

மேலும் கருத்துக்களை இங்கே தரவும்.

Image Source Courtesy: NASA

பேய்க்கதை (யார் பேய் கண்டுபிடியுங்கள்)

2009-08-20T20:11:00.000-07:00

அந்த பூங்காவில் மனித நடமாட்டம் குறைவாக இருந்தது..

அந்த கடுமையான வெயிலுக்கும் குளுமையாக இருந்த புங்கை மரத்தடியிலிருந்த ஒரு சிமெண்ட் பெஞ்சில்.. ஒரு ஆணும், பெண்ணும் அமர்ந்திருந்தார்கள்

”என்னாச்சு ரமேஷ்.. வீட்டுக்கு போனீங்களா?” என்று கேட்டாள் பெண். ரமேஷ் மறுத்தலாக தலையாட்டினான்..

”ஹும்..எல்லாம் முடிஞ்சிடுச்சு.. அங்க போய் என்னாகப்போகுது,கவிதா.. உங்களுக்கு என்னாச்சு..”

ஒரு மெல்லிய தென்றல் காற்று அவள் தலைமுடியை கலைத்து சென்றது..

“எனக்கும் அதேதான், ரமேஷ்.. அவங்க மூஞ்சியிலேயே முழிக்கப்பிடிக்கல.. இங்கேயேதான் இருந்தேன்.. “

அருகில் இருந்த சிமெண்ட் பெஞ்சிற்கு ஒரு ஜோடி வந்தது.. நெருக்கமாக அமர்ந்து பேச ஆரம்பித்தார்கள்..

ரமேஷ் குலுங்கி குலுங்கி அழுதான்.. கவிதா தேற்ற முயன்றாள்.. “ப்ளீஸ்.. கண்ட்ரோல் யுவர்செல்ஃப்..” அவள் கண்களிலும் நீர்..

”ஹெல்லோ பிள்ளைங்களா.. எப்படி இருக்கீங்க?” என்று உற்சாகக்குரல் கேட்டு இருவரும் நிமிர்ந்தார்கள்..

ரங்கநாதன் தாத்தாவும், அவர் மனைவியும் வந்துகொண்டிருந்தார்கள்..

”ஏன் கண்ணீர்? ஓ.. பழசெல்லாம் ஞாபகம் வந்துடுச்சா.. “ என்றவாறு அருகில் வந்தார்கள்..

”ம்..விடுங்கப்பா.. நான், இவ எல்லாம் வயசானவங்க.. உடம்பு சரியில்லாமதான் இருந்தோம்.. ஆனா, எங்களோட ஒப்பிட்டு பார்க்கையில உங்க ரெண்டுபேரு நிலைமையும் ரொம்ப மோசம்-னு இவதான் அடிக்கடி சொல்லிக்கிட்டிருப்பா.. கவலைப்படாதீங்க கண்ணுங்களா.. எல்லாத்தையும் மேல இருந்து ஒருத்தன் பார்த்துக்கிட்டிருக்கான்.. ” என்றபடி கடந்து சென்றார்..

* * * * *

ஒரு அழைப்பு..

கூட்டுமுயற்சியில் உருவான விக்கிப்பீடியா களஞ்சியத்தொகுப்பு மற்றும், “And, now.." போல, எத்தனையோ collaborative writing பிரபலமடைகிறது.

அதேபோல, இந்தக்கதையை இன்னும் வளர்க்கப்பிடித்தால், மேலும் எழுத வேண்டுகிறேன்.. அதாவது, collaborative story writing - க்கு அழைப்பு விடுக்கின்றேன்..
அதாவது, குழுவாக இணைந்து, ஒரு கதையை எழுதலாம். ஒரு சின்ன முயற்சிதான்..

மறவாமல் இந்தக்கதைக்கு லின்க் கொடுத்துவிடவும்..
நன்றி..

* * * * *

Crowdsourcing - ஆன்லைனில் சம்பாதிங்க - ஆர்வகுழுக்கள் !!!

2009-08-14T09:50:00.000-07:00

எதிர்காலத்தில், டாக்டர், வக்கீல், ஆடிட்டர்கள் போல, கணினி வல்லுனர்களும் தனியாகவோ (அல்லது குழுவாகவோ) ஒரு அறை மட்டுமே எடுத்து, 'இங்கு ஆர்டரின் பேரில் தரமான மென்பொருள் செய்து தருகிறோம்' என போர்டு போட்டுக்கொண்டு, பல்வேறு வாடிக்கையாளர்களுக்கு பணிபுரிவதற்கான காலம் வரும்..

காரணம் - Crowdsourcing !!!

சமீபகாலமாக, இணையத்தில் மெல்ல மெல்ல பரவலாக பாவிக்கப்படும் இந்த உத்திதான், எதிர்காலத்தில் வேலைவாய்ப்புகளில் மாற்றம் ஏற்படுத்தப்போகும் விஷயமாக இருக்கும் என்று கணிக்கப்படுகிறது..

Crowdsourcing - அப்படீன்னா என்ன?

ஒரு கம்பெனிக்கோ, ஒரு தனிமனிதருக்கோ ஒரு வேலை/பணி செய்யவேண்டியதிருக்கிறது. என்ன செய்வார்? காசிருந்தால் outsource செய்வார்.. ஆனால், 'செய்யவேண்டிய பணி, பெரிய பணி... அதற்கு நிறைய பேர் வேண்டும், சிறந்த தரத்துடன் வெளியீடுகள்(solutions) வேண்டும்' என்று தோணினால், crowdsource செய்வார்..

அதாவது, பொது ஊடகங்களில், இந்த பணி(problem/task) பற்றி தண்டோரா போட்டு அறிவித்துவிடுவார்.. சிறு சிறு குழுக்களாக தங்களை அறிவித்துக்கொள்கிற மென்பொருள் நிபுணர்கள் அல்லது டிசைனர்கள், தங்களுக்கு ஆர்வமுள்ள சில பணிகளை எடுத்துசெய்து தீர்வுகள்(solutions) காண்பார்கள்.. எத்தனை தீர்வுகள் வருகி்ன்றதோ, அத்தனையும், பிற்பாடு Task அறிவித்தவருக்கே சொந்தமாகிறது.. அவர் அதை அப்படியே பயன்படுத்திகொள்ளலாம்.. மாற்றமும் செய்யலாம்.. (இன்னாருடைய தீர்வை பயன்படுத்துகிறோம் என்று சொல்லிவிடுவார்கள்) பின் ஒரு திட்ட மேலாளர் போல செயல்பட்டு ஒருங்கிணைப்பார்கள்...

பெரும்பாலான சமயங்களில், பணியை எடுத்து செய்பவர்களுக்கு முழுவிவரங்களும் தெரிய வாய்ப்பில்லாமல் போவதுண்டு .. உதாரணத்திற்கு, 10000 சென்ட்கள் ^[#12]. சுமாராக, 5 மாதத்தில், 51 நாடுகளிலிருந்து, 10000 ஓவியர்கள் ஒரு ஒரு புள்ளி மட்டுமே வைத்து வரைந்த ஓவியம். வரைந்து முடித்துபின் மேலாளர் ஒருங்கிணைத்து அறிவித்தபின்னரே தாங்கள் இதற்காகத்தான் பணிபுரிந்திருக்கிறோம் என்று அவர்களுக்கு தெரியவந்தது..

பணி எடுத்து செய்பவர்களுக்கு என்ன($) தருவார்கள்???

பெரும்பாலானவர்கள் இந்த பணிக்கு இவ்வளவு தருவோம் என்று சொல்லிவிடுவார்கள்.. இதற்காக சில தளங்களும் உண்டு.. (தகவல் சற்று கீழே). பணிக்கு ஊதியமாக, பணம் தராமல், சான்றிதழ்கள், அன்பளிப்புகள் தரலாம்.. இன்னும் சிலர், "தங்களுடைய விடா முயற்சியையும் தன்னம்பிக்கையையும் பாராட்டி எங்கள் கம்பெனி அளிக்கக்கூடிய ஒரு அதிசயப்பொருள் இந்த சோப்பு டப்பா" - என்ற அதிர்ச்சியையும் தருவார்கள்.. இணையத்தில் இவ்வாறான 'சோப்பு டப்பா அன்பளிப்பு' கம்பெனிகள் நிறைய இருக்கிறார்கள் என்பது தெரிந்த செய்திதான்!!! ஆனாலும், இந்த (வெறும்) பாராட்டுக்களையும்கூட தங்களுடைய ரெஸியூமில் அள்ளிப்போட்டுக்கொண்டு போகிறவர்களும் இருக்கிறார்கள்..அது அவர்களுடைய Career Development-ற்கு உதவக்கூடுமாம்..

வீக்கிப்பீடியா போன்ற தகவல் களஞ்சியங்கள்,கூகிள் எர்த், ஆன்லைன் குழுமங்கள், forum-கள், ப்ளாக்குகள்,யூ-ட்யூப், ட்விட்டர், லொட்டு லொசுக்கு..ஏன் ஒரு விளையாட்டு^[#11] கூட உள்ளது.. இப்படி எல்லாமே crowdsourcing-ன் சாயல்களே... என்ன, இவற்றுக்கெல்லாம் பைசா கிடையாது.. தபால்தலை சேகரிப்பவர்கள், காசுக்காகவா செய்கிறார்கள்.. அதுபோலத்தான் இதுவும்!

காசு தரக்கூடிய வலைதளங்களும் உண்டு.. உதாரணத்திற்கு, குரு^[#1], 99டிசைன்ஸ்^[#2], இன்னொசென்டிவ்^[#3], எம்-டர்க்^[#4], ஆகியன..

அழகழகாக டீசர்ட் டிசைன் செய்து அல்லது பஞ்ச் வாசகங்கள் பதித்து சம்பாதிக்க ஆசையா.. (சினிமா பஞ்ச் கூடவே கூடாது) இப்படிப்பட்டவர்களுக்கானதுதான் இந்த த்ரெட்லெஸ்^[#5]. நல்ல டிசைன்கள், வாசகங்களுக்கு வாக்களித்தாலும் பரிசுகள் உண்டு.. இங்கே முக்கியப்பணிகள் எல்லாவற்றையும் open call-ல் அறிவிக்கிறார்கள்.. (New Update:டீ-சர்ட் டிசைன் பற்றி கற்றுகொள்வதற்கான தளங்களின் விவரங்கள் கீழே ^[#14])

நிறுவனங்கள், அமைப்புகள்,(நம்மூரில் கழகங்கள், குழந்தைகள் போல) ஆகியவற்றுக்கு நல்ல நல்ல பெயர்களை வைக்கவும், சிறந்தவற்றுக்கு வாக்களிக்கவும் அழைப்பு விடப்படுகின்றது.. ^[#7]. பெயர்சூட்டலுக்கும், வாக்களிப்புக்கும் பரிசு.

Crowdsourcing - ஒரு வரப்பிரசாதமா??

குழப்பம்தரும் கேள்வி.. சின்னச்சின்ன பணிகளுக்கு, தரமான தீர்வுகளை வேண்டும் என நினைக்கும் சிறு நிறுவனங்களுக்கு, இது வரப்பிரசாதம்தான்..

பெரும் வர்த்தகப்பணிகளை பிரித்துத்தருவது மற்றும் ரகசியம் காக்கப்படவேண்டிய(confidential) பணிகள் ஆகியவைகளை crowdsource பண்ணுவது உசிதமல்ல.. Outsourcing-கில், ஒப்படைத்த பணி தாமதமானால், 'ஏய்யா லேட்டு?' என்று கேட்கலாம்.. Crowdsourcing-கில், அது முடியாது.. அவர்களாக பார்த்து முடித்துத்தந்தால்தான் ஆச்சு.. ஒவ்வொருவரும் ஒவ்வொரு நேரத்தில் தருவார்கள்.. முடிக்காமல் விடவும் சாத்தியம் அதிகம்..ஏனெனில்,இங்கே சேவை கால ஒப்பந்தம்(SLA) கிடையாது..

இன்னொருபக்கம், பணியை எடுத்துக்கொண்டு சன்மானம் தராமல் ஏமாற்றுகிற ஆன்லைன் நிறுவனங்கள் அதிகம் இருப்பதை இதன் பிரபலத்திற்கு பின்னடைவாக கருதலாம்..

பணிகள் பற்றிய அறிவிப்புகள் இந்த தளங்களில்:
1) குரு
2) 99டிசைன்ஸ்
3) இன்னோசென்டிவ்
4) எம்-டர்க்
5) டீசர்ட் டிசைனிங்,டீசர்ட்டில் வாசகங்கள், வாக்களிப்புகளுக்கு பரிசுகள்
6) என் ஐடியா
7) பேரு வக்ய எங்களுக்கு உதவுங்கள்

மேலும் படிங்க இங்கே,

8) வேறு சில பணிவாய்ப்புகள்
9) 135 சிறு தொழில்களின் தொகுப்பு(சி.தொ. வடிவமாகவே, crowdsourcing பார்க்கப்படுகிறது...கண்டிப்பாக வாசிக்கவேண்டிய ஒன்று)
10) பணி அறிவிக்கும் ப்ளாக்
11) Game with a purposeக்கு, ஒரு நல்ல உதாரணம்
12) 10000 சென்ட்கள்
13) எங்களுக்கு ஐடியா சொல்லுங்க
14) டீ-சர்ட் டிசைன் கற்றுகொள்ள (New Update)

ஆதாரம்:
* அவுட்சோர்ஸிங் அவ்ளோதானா?!!
* வீக்கிப்பீடியா
* பத்தாயிரம் சென்ட்கள்
* தி ஹிண்டு.
* ஆனந்த விகடன்.
* * * * * * * * * * * *

இன்றைய ஆச்சர்யம்: சேலத்தில், விபத்தில் சிக்கி, கோமாவிலிருந்த ஒரு சிறுபிள்ளையை, சுயநினைவுக்கு மீட்டெடுக்க உதவியாக இருந்தது - வடிவேலுவின் காமெடிக்காட்சிகளே! (நன்றி: குமுதம்)

"ச்சூச்சூ" - மறு சுழற்சியில் - "ஆஹா"

2009-07-26T04:08:00.000-07:00

தலைப்பை பார்த்தவுடன், பள்ளிக்கூட அறிவியல் கண்காட்சி ஞாபகத்துக்கு வந்தால், நான் பொருப்பில்லை.. :)

ஆனால், "fill up one tank and empty another. US chemists have combined refuelling your car and relieving yourself by creating a new catalyst that can extract hydrogen from urine.." (#முழு தகவலும் இங்கே) என்று குறும்போடு சொல்லும்போது, என்ன சொல்லவருகிறார்கள் என வாசிக்கத்தோன்றியது..

ஆமாம். மனிதனின் சிறுநீரிலிருந்து, எதிர்காலத்தில் ஹைட்ரஜன் கார்களுக்கு, எரிபொருள் தயாரிக்கமுடியும் என சொல்கிறார்கள் விஞ்ஞானிகள்..

எப்படி..??!!!

சாதாரணமாக, ஹைட்ரஜன் கார்களுக்குத் தேவையான ஹைட்ரஜன் அணுக்களை நீரிலிருந்து பிரித்தெடுக்கிறார்கள். சாதாரண நீரின் ஒவ்வொரு மூலக்கூறிலும் இரண்டு ஹைட்ரஜன் அணுக்கள் என்று பள்ளிக்கூட பாடத்தில் படித்திருப்போம்.. அதை கொஞ்சம் சிரமப்பட்டுதான் பிரித்து எடுக்கிறார்கள்.. ஏனெனில், ஹைட்ரஜன் அணுக்கள், நீரின் மூலக்கூறுகளில் இருகிய பிணைப்புடன்(tightly bonded) இடம்பெற்றுள்ளது..

இதற்கு நேர்மாறாக, யூரியா மூலக்கூறுகளில், நான்கு ஹை. அணுக்கள் சற்று இலகிய பிணைப்புடன்(less tightly bonded) இடம்பெற்றுள்ளது.. அதனால், பிரித்து எடுப்பதும் சுலபம்..

நீரின் மூலக்கூறிலிருந்து இரண்டு ஹை. அணுக்களை பெயர்க்கத்தேவையான மின்னளவு 1.23V என்றால், யுரியாவின் மூலக்கூறிலிருந்து நான்கு ஹை. அணுக்களை பெயர்க்கத்தேவையான மின்அளவு 0.3V மட்டுமே.. அதுவும் விலைகுறைந்த நிக்கல் எலக்ட்ரோடுகளின் உதவியால் ரொம்ப எளிதாக பிரித்தெடுக்கமுடியும் என்று இதனை தொடர்ந்து ஆராய்ச்சி செய்கிற Botte சொல்கிறார்..

தவிர, எக்கச்சக்கமாக 'வீணாக்கப்படுகிற' சிறுநீர், எரிபொருளாக பயன்படுமாயின், செலவுகள் கட்டுப்படுவதுடன், சுற்றுப்புறமும் சுத்தமாகும் இல்லையா... ???

ம்ம்ம்... கெமிஸ்ட்ரி வேலை செய்யுது-னு இதைத்தான் சொல்கிறார்களோ.. ???

ஆதாரம்:
http://www.physorg.com/news165836803.html
The Times of India - Sunday நாளிதழ்.

WiziQ - இண்டர்நெட் ட்யூஷன்.

2009-07-19T07:11:00.000-07:00

WiZiQ - அமெரிக்காவை தலைமையிடமாக கொண்டு தொடங்கப்பட்டிருக்கிற இந்த தளம், ஆசிரியர்களுக்கும், மாணவர்களுக்கும் ஒரு வரப்பிரசாதமாகும்..

ஆமாம்.. இந்த தளத்தின் முகப்பில், இரண்டு பகுதிகள். ஒன்று - ஆசிரியர்கள் தேடுவதற்கு. மற்றொன்று - மாணவர்கள் தேடுவதற்கு.

எந்த பாடப்பகுதியில் சேரவேண்டுமோ, அதை குறிப்பிட்டால், அதற்கான ஆசிரியர்களின் தகவல்கள் தரப்படுகிறது. இதேபோல,ஆசிரியர்களுக்கும் தான் கற்பிக்கிற பாடங்களை கற்க விரும்பும் மாணவர்களை தேடுவதற்கான optionம் தரப்பட்டுள்ளது..

ஆசிரியர்கள் வெவ்வேறான கற்பித்தல் முறையை பின்பற்ற வழி செய்திருக்கிறார்கள்.. உதாரணத்திற்கு, விர்ச்சுவல் க்ளாஸ்ரூம், ஆகியன.. அதோடு, மாணவர்களுக்கு ஆன்லைனில் தேர்வு வைத்து, திருத்தி மதிப்பி்டும் options-ம் வைத்து, நிஜ வகுப்பறையைப்போலவே உருவாக்க வழிவகுக்கிறார்கள்..

பாட சம்பந்தமான கோப்புகளை இந்த தளம் மூலமாகவே பகிர்ந்துகொள்ளலாம் என்பது நன்று.

இலவசமாகவும், கட்டண சேவையாகவும் உள்ள இந்த தளம், தற்பொழுது beta வில் உள்ளது..

இதுதான் அந்தத்தளம் - http://www.wiziq.com

போய்த்தான் பாருங்க...

காகித ப்ரொஜெக்ட்கள் !!!

2009-03-08T08:19:00.000-07:00

நமது நாட்டில் மட்டும் சுமார் 18 மெகா ப்ரொஜெக்ட்கள், இன்னும் காகித அளவிலேயே உள்ளது என்பது தெரியுமா ??

இந்த திட்டங்கள் நிறைவேறினால் மட்டும், 1,64,000 பேருக்கு நேரடியான வேலைவாய்ப்பும், 2,70,000 பேருக்கு மறைமுகமான வேலைவாய்ப்பும் கிட்டும் என்பது தெரியுமா?

ஆம், கிட்டத்தட்ட நான்கு வருடங்களாக(2003) வெறும் ஒப்பந்தம் வடிவிலோ, MoU மாதிரியோ இருக்கும் இந்த திட்டங்களினால் நாம் இழந்தது, 3 லட்சம் அளவினாலான வேலைவாய்ப்புக்களை.

ஏன் இந்த தாமதம்???

இந்த காலதாமதம், இடம் ஒதுக்குதல் நடைமுறைகளால் ஏற்படுகிறது என்று சொல்கிறார்கள்..

'போஸ்கோ' எனும் இரும்பு கம்பெனி மட்டும், இந்தியாவில் வெறும்(!!!) ரூ.176 கோடி முதலிட்டால், சுமார் 35,730 பேருக்கு வேலை கிடைக்கும்.

சென்னையிலும் ஜேவி என்ற நிறுவனம் ரூ.4000 கோடி முதலீடு செய்தால், சுமார் 5000 பேருக்கு வேலை கிடைக்கும்..

தகவல் தொழில்நுட்ப நிறுவனங்களான விப்ரோ, இன்ஃபியும் 750 கோடி ரூபாய் முதலீடு செய்யின், சுமார் 10,000 பேருக்கு வேலை கிடைக்கும் என்று மென்மேலும் புகையை கிளப்புகிறார்கள்..!!!

சூழ்நிலையை மேலும் புகைமண்டலமாக்க(!!!), இங்கே க்ளிக்கவும்..

இந்த ப்ராஜெக்ட் எல்லாம் நிஜத்திற்கு வர, கடவுளையும், அந்தந்த மாநில அரசுகளையும் வேண்டிகொள்வோம்...

காரணம் ஆயிரம்...

2009-03-07T07:23:00.000-08:00

வணக்கம்...

காரணம் ஆயிரம்...

"கோடாதி கோடி லட்சாப லட்ச
பிளாக்குகள்
ஏற்கனவே இருக்கின்றனவே..

இதில் நான் மட்டும்
என்ன புதிதாய்
சொல்லபோகிறேன்... "

என்று தோன்றும்தானே..

காரணம் அது ஒன்றுதான்...(ஆயிரமில்லை !!!)

நான் கற்றுக்கொண்டதை
உலகிற்கு தெரியப்படுத்த
முனையும் ஒரு
குழந்தையின்
விருப்பம்போல
இருப்பதுதான்...

மீண்டும் சந்திப்போம்...!!

:)